სემეკმა ირიგაციის ტარიფები დაამტკიცა - რა დაუჯდება ფერმერს მოსავლის მორწყვა?
Автор: Business Media Georgia
Загружено: 2026-01-16
Просмотров: 103
1 აპრილიდან ფერმერებისთვის წყლის მოხმარებაზე ახალი ტარიფები ამოქმედდება. სემეკმა „საქართველოს მელიორაციის“ მიერ გაწეული მომსახურების ტარიფები უკვე დაადგინა. თუ აქამდე 1 ჰექტარზე საირიგაციო წყლის გადასახადი 75 ლარს შეადგენდა, ახლა ტარიფი იზრდება, დიფერენცირებული ხდება და ამასთან მორწყვის სიხშირეზეც იქნება დამოკიდებული. კერძოდ, ერთწლოვან კულტურებზე გაუმრიცხველიანებელი მომხმარებლებისთვის 1 ჰა-ზე მორწყვის გადასახადი დღგ-ს ჩათვლით 116 ლარი იქნება, მრავალწლოვანზე კი, 102 ლარი. თუ გავითვალისწინებთ, რომ ფერმერს მოსავლის რამდენჯერმე მორწყვა დასჭირდება, ეს იმას ნიშნავს, რომ ირიგაციის ხარჯი ყოველ ჰექტარზე რამდენიმე ასეული ლარი იქნება. ამასთან, მომხმარებლებს მოუწევთ წინასწარ შეათანხმონ საირიგაციო წყლის მიღების რეჟიმებიც. იმ შემთხვევაში, თუ მომხმარებელი წყალსარგებლობის განრიგის შეთანხმების მოთხოვნით მიმწოდებელს მიმართავს გეგმური პერიოდის დარღვევით (1 აპრილიდან), მიმწოდებელი უფლებამოსილია მომხმარებელს დაარიცხოს დაგვიანებული განაცხადის ინდივიდუალური განხილვის საფასური გარდა ფერმერებისა, სემეკმა შეიმუშავა ფორმულაც, რომლის მიხედვითაც წყლის ტარიფის გამოთვლა მოხდება იმ ობიექტებისთვის, რომლებიც წყალს ელექტროენერგიის წარმოების მიზნით იყენებენ. რა კომპონენტები აისახა ტარიფში და როგორი იქნება მისი გავლენა საბოლოოდ მოსავლისა თუ ელექტროენერგიის ფასზე?
სტუმარი: გივი სანიკიძე - სემეკის წევრი
Доступные форматы для скачивания:
Скачать видео mp4
-
Информация по загрузке:
