Ամուսնության մեջ ամենամեծ սխալներից մեկը՝ գնահատվել ցանկանալը

Նախորդ ձայնագրության մեջ, ուր ասում էի թէ երբ ամուսինը գործից հոգնած տուն է գալիս, նախ կերակրեք նրան, հետո հոգ տարեք, որ մի քիչ հանգստանա, հետո նոր հարցեր տվեք իր օրվա ու ձեր պլանների մասին, ոմանք ինձ գրեցին ու ասեցին թէ այս ամենն անում ենք, տարիեներով անում ենք ու գնահատող չկա: Ժողովուրդ ջան, եթե դուք ձեր ամուսնուն կամ կնոջը սիրում էք, ու սպասում էք, որ դա նրա կողմից գնահատվի ուրեմն արդեն ա սեր չէ, այլ առևտուր: Բացի դրանից, եթե դուք սպասում էք, որ մարդկանց կողմից ձեր արածը գնահատվի, ուրեմն դուք միշտ կհուսախաբվեք, որովհետև կամ այդ գնահատանքը չի լինի, կամ էլ միշտ կլինի, բայց ոչ ձեր ուզածի չափով:

Մեր Տեր Հիսուս Քրիստոսը սովորեցրեց սիրելի անձնվեր կերպով: Սիրել մերձավորին ինչպես սեփական անձը: Երբ դու սիրում ես քո անձը դու քեզանից գնահատանք ես սպասու՞մ:

Եվ վերջապես - «Սէրը համբերող է, քաղցրաբարոյ է. սէրը չի նախանձում, չի ամբարտաւանանում, չի գոռոզանում, անվայել վարմունք չի ունենում, իրենը չի փնտռում, բարկութեամբ չի գրգռւում, չար բան չի խորհում, անիրաւութեան վրայ չի ուրախանում, այլ ուրախանում է ճշմարտութեան վրայ. ամէն բանի դիմանում է, ամէն բանի հաւատում է, մշտապէս յոյս է տածում, ամէն բանի համբերում։ Սէրը երբեք չի անհետանում. թէ մարգարէութիւններ են, պիտի չքանան. թէ լեզուներ՝ պիտի լռեն. թէ գիտութիւն՝ պիտի անցնի» (Ա.Կր 13:4-8):

Սիրելի բարեկամ, օգնեք տարածել Աստուծո Խոսքի մասին այս էջի ձայնագրություններն ու դուք էլ կմասնակցեք Ավետարանելու սուրբ գործին: Մի փոքրիկ նվիրատվությունն այստեղ http://tinyurl.com/barekam կօգնի Ավետարանը հասցել ավելի շատ մարդկանց, որի կարիքն այնքան կա: