Klan News- Rraklli: Nëse Silvinjo na çon në Botëror, ta mbajmë edhe 5 vjet…

Ish-lojtari i Kombëtares, Altin Rraklli, në një intervistë me gazetarin Besard Jacaj në Klan News, foli për dy ndeshjet e mbetura të Shqipërisë për kualifikueset e Botërorit, atë ndaj Andorrës e Anglisë.

Rraklli tha se niveli i Kombëtares është rritur. Ai u shpreh se Shqipëria ka lojtarë cilësorë, duke përmendur disa prej tyre.
Duke folur për shanset e Shqipërisë për kualifikim në Botëror, Rraklli deklaroi se fillimisht Kombëtarja duhet të sigurojë play off-in. Sipas tij, kualifikimi do ishte historik, por se rruga deri atje është e gjatë.

Altin Rraklli: Klisman Cake më është dukur lojtar goxha premtues. Mbrojtjen në tërësi e kemi të konsoliduar. Hysaj është rinuar sërish. Për mesfushën, mund të themi se duket sikur trajneri do që të luajë jo në mënyrë jo aq agresive. Lojtar organizator me tipare sulmuese është Muçi, edhe Nedim Bajrami mund ta bëjë shumë mirë këtë rol ose Myrto Uzuni. Trajneri Silvinho ka zgjedhur të fusë në fushë lojtarë disi më të përmbajtur, jo aq sulmues.

Për sulmin, kemi Armando Brojën. Është lojtar shumë i mirë, por duhet të kenë më tepër besim dhe të arrijë të shënojë. Sulmuesit duhet të tentojnë të gjuajnë më shumë në portë. Besoj se trajneri me Rey Manajn do e nisë lojën, mendoj se nuk do ndryshojë shumë formacionin fillestar, që luajti me Serbinë. Nuk ka pse ta ndryshojë formacionin, derisa ishte i suksesshëm ndaj kombëtares serbe. Ne po luftojmë për play off dhe nëse do shkojmë aty, duhet të kalojmë dy ekipe të forta. Niveli i Kombëtares Shqiptare është rritur, por rruga është e gjatë. Të marrim gjërat me radhë. Nëse Shqipëria arrin në vendin e dytë është sukses, pavarësisht nëse kualifikohet në Botëror apo jo.

Shqipëria, e cila ndodhet në vendin e dytë në grup për kualifikueset e Botërorit, do përballet me Andorrën më datë 13 nëntor dhe me Anglinë më 16 nëntor.

#BesardJacaj #KlanNewslajmeSUBSCRIBE
to "RTV KLAN" on YouTube for more videos!
Për më shumë informacione vizitoni faqen tonë web https://tvklan.al/kategoria/klan-news/
Follow Klan News on Facebook:   / klannews  
Follow @klannews on Instagram:   / tvklannews  
#KlanNews #KlanNewsLajme #TvKlan