Мұрат Өскенбаев - “Бұлбұл Ақжелең”/AISHOLPAN_KASYMOVA

...Ертеде Маңғыстау елі өнер адамдарының жарысын ұйымдастырады. Сарапшылар белгіленеді, бас сарапшы болып белгілі би, әрі болыс Иса Тіленбайұлы сайланады. Иса Тіленбаев (1829-1909) – Маңғыстау түбегінде туған. 1869-1870 жылдары Маңғыстау шаруалар көтерілісінің басшысы, ұйымдастырушысы, би болған. Ол 30 жылдың үстінде болыс болып, халқына қызмет етеді.

Жиынға келген өнерпаздар өз өнерлерін көрсетеді. Бірінші орын Медет Жылкелді деген әншіге беріледі. Осында жеті өнерпазға: Шолтаманға, Әділге, Тастемірге, Тұрсынға, Жылкелдіге, Досатқа, Өскенбайға «Адайдың жеті қайқысы» деген атақ беріледі. Жылкелдіге бірінші бәйгі аталғанда, тыңдаушы жұртшылық арасынан күңкіл көбейіп кетеді. Көбі: «Өскенбай - әрі күйші, әрі жыршы, әрі ақын, әрі әнші. Бас бәйгі соған тиісті еді. Иса ағайыны Жылкелдіге бұрып кетті-ау» - дейді. Бұл сыбыс Исаның құлағына жеткенде: «Япырмай, мен сүйтіп кеттім бе екен? Өскенбайжан, сен бір осы жетеуіңе арнап «Жеті бұлбұл» деген күй тартшы» - деген екен. Сонда Өскенбай табанда «Жеті бұлбұл» деген күй шығарып тартыпты. Халық арасында бұл күй Бұлбұл ақжелең деп аталып кеткен дейді.

Ұнаса 👍 қойып, пікірлеріңізді жазып кетсеңіздер риза боламын🥰

Сонымен қатар, INSTA парақшама тіркеліп кетіңіздер:
@aisholpan_kasymova

#нағызқазақдомбыра #домбыра #куй