''საერთაშორისო აქცენტები'' - ტარიფების საშიში ომი - პირველი ეპიზოდი

ამ გადაცემაში ვსაუბრობთ ტარიფების უკიდურესად სახიფათო ომის შესახებ და მას ფართო ისტორიულ, ეკონომიკურ და პოლიტიკურ კონტექსტში განვიხილავთ. ვმსჯელობთ იმაზე რატომ არის ტარიფების ომი ასე საშიში და რატომ ასოცირდება ის რეალური ომის საფრთხესთან. როგორ მოაქვს თავისუფალ ვაჭრობას არა მარტო კეთილდღეობა, არამედ მშვიდობაც. არის თუ არა ამერიკის პრეზიდენტის გეგმა, გადმოიტანოს საწარმოები ამერიკაში, რეალისტური. რატომ შეცვალა ტრამპმა გადაწვეტილება და 90 დღით რატომ დააპაუზა ტარიფების ამოქმედების გეგმა ყველა ქვეყანასთან ჩინეთის გარდა. რას მოიტანს ჩინეთისა და ამერიკის ტარიფების უკიდურესად გამწვავებული ომი. როგორ აისახება ამ ომით გამოწვეული ეკონომიკური რეცესია საქართველოზე.