🔴MSFJ - Êmuh Y Thăm Byă kơ brua buôn sang ti lăn dap kngư hdơr hruê 10/12 - MSFJ News

Êmuh Y Thăm Byă kơ brua buôn sang ti lăn dap kngư - MSFJ News

MNUIH ɃUÔN SANG HLĂM ALA C̆AR DAP KNGƯ: BREI BI HDƠR KƠ HRUÊ KLEI BHIĂN ANAK MNUIH MɃĬT HŎNG C̆AR HGŬM LƠ 10 MLAN 12 HLĂM GRĂP THŬN:

Hưn mthâo mơ̆ng Êpul Montagnard Stands For Justice
Hruê 30 Mlan 11 Thŭn 2019

Anei jing truh kơ 69 blư̆ leh grăp boh c̆ar bi hdơr hruê Klei Bhiăn Anak Mnuih Kbŭt Hgŭm lơ 10 mlan 12 hlăm grăp thŭn. Thŭn 1950, Kbŭt C̆ar Hgŭm brei klei dưi mă hruê anei jing gru hruê bi êdah Klei Bhiăn Anak Mnuih Kbŭt C̆ar Hgŭm hlăm lơ 10 mlan 12 thŭn 1948.

Hlăm grăp thŭn, Phŭn Bruă Klei Bhiăn Mnuih ti Kbŭt C̆ar Hgŭm iêu mthưr leh anăn hrăm mbĭt hŏng klei kbĭn bi hdơr hlăm hruê anei ti C̆ar Hngŭm. Snăn lu boh c̆ar tŭ ư leh, hlăm anăn mâo lu êpul đru hlăm klei ksiêm dlăng Klei Găl Anak Mnuih điêt prŏng hlăm grăp boh c̆ar ti Lăn Ala. Hdră klei bi hdơr kơ hruê Klei Bhiăn Anak Mnuih mâo dŭm mta sơnei:

(1) Bi mđĭ klei bhiăn kơ klei găl mnuih ti rŏng lăn ala;
(2) Hưn mthâo djăp bruă mâo Klei Kƀĭn Kluôm ti C̆ar Hgŭm, c̆iăng bi mđĭ mâo klei mlih djŏ tui si klei jing mnuih;
(3) Brei klei myun kơ grăp êpul mdê mdê hlăm [uôn sang dưi dôk mbĭt, đru mbĭt hlăm bruă msĕ dưi tŭ kơ klei găl jing mnuih;
(4) Mđĭ ai grăp êpul kyua klei arăng ngă jhat msĕ si êpul phung mniê, mnuih djuê hriêt, phung hđeh, mnuih knap mñai, mnuih êwiên êwu, mnuih pôlăn, kơ grăp êpul mnuih arăng ngă jhat kyua klei đăo, klei kkuh mpŭ... dưi dôk mbĭt, đru mbĭt c̆iăng bi mđĭ klei jing mnuih hlăm lăn ala, leh anăn ngă bruă c̆iăng mâo klei bi mlih tŭ dưn drei pô mmông ară anei.

Hlăm klei bhiăn, sa êpul hlăm Kbŭt C̆ar Hgŭm, knŭk Kna Viêt Nam ăt dưi mŭt mbĭt leh anăn đru mnuih ƀuôn sang ngă klei bi kƀĭn hdơr hruê 10 mlan 12 hlăm grăp thŭn. Kyuadah klei c̆iăng mŭt mbĭt hlăm grăp boh c̆ar c̆iăng dưi dôk hdĭp, knŭk kna Việt Nam sĭt nik ka klă mngac̆ hlăm bruă bi mđĭ kơ klei răng mgang klei bhiăn mnuih, ƀiădah diñu mâo dưi kăm ghă, amâodah ƀuah mkra ôh mnuih ƀuôn sang ngă klei bi hdơr, kyuadah anei jing hdră mơ̆ng Kbŭt C̆ar Hgŭm yơh yua brei ngă klei bi hdơr, kyua anei jing hruê Kbŭt C̆ar Hgŭm bi hdơr Mđĭ Klei Bhiăn Anak Mnuih Hdĭp drei jih jang ti rŏng lăn ala.

Hmei iêu mthưr jih jang phŭn bruă mnuih ƀuôn sang Ala Dap Kngư ti Việt Nam, boh nik hlăm grăp boh Sang Aê Diê, hlăm djăp Êpul đăo, hlăm djăp djuê ana, mnuih djuê hriêt, mnuih pôlăn, êpul răng mgang klei hdĭp, êpul mgang klei găl phung mniê…. Dôk mbĭt hlăm hruê bi hdơr kơ Klei Bhiăn Anak Mnuih hlăm thŭn anei. Snăn drei dưi ngă lu hdră hlăm hruê bi hdơr; ti gŭ anei mâo dŭm mta msĕ snei:

(1) Ngă hdră klei bi kƀĭn wah lac̆ kơ mnuih arăng tuôm ngă jhat leh kyua klei đaŏ, đa djiê leh hlăm sang war mnă, đa djiê kyua police poh biêng hlăm sang phŭn bruă diñu.
(2) Ngă klei bi mđĭ ai kơ phung mnă kyua klei kpă ênô, mâodah hưn mdah ya klei digơ̆ pô tuôm găn leh:
(3) Wah lac̆ kơ c̆ar Hông Kông c̆iăng mâo klei êđăp ênang, kyua ƀuôn sang digơ̆ kgŭ ur krao kơ klei kpă ênô, c̆iăng Kbŭt C̆ar Hgŭm dưi mgang brei klei êngiê kơ digơ̆;
(4) Wah lac̆ kơ djuê ana drei pô c̆iăng kơ drei ăt dưi mâo klei êngiê mơh;
(5) Bi êdah leh anăn hưn mthâo Klei Bhiăn Kbŭt C̆ar Hgŭm kơ klei găl Anak Mnuih hlăm djăp mnuih bi ala kơ grăp djuê ana, mtruh kơ grăp c̆ô êpul pô hlăm ƀuôn sang. Jih jang dưi dlăng klei mblang hlăm klei Yuăn:
Ti hlapŏk: https://www.ohchr.org/…/UDHR/Docu…/UD...
C̆iăng đru mnuih ƀuôn sang Anak C̆ư̆ C̆hiăng ti Ala Dap Kngư mŭt mbĭt hŏng grăp boh c̆ar, MSFJ mkŏ mjing hlapŏk c̆iăng drei dưi dôk mbĭt, mđing thâo kơ hruê Kbŭt C̆ar Hgŭm hlăm thŭn 2019. Hmei srăng c̆ih ênoh djăp êpul, djuê ana, Sang Aê Diê hưn mthâo kơ klei ngă hruê bi hdơr, snăn hmei lŏ mơĭt nao kơ Embassy ( Tòa đại sứ) ti Việt Nam, grăp knŭk kna khăp kơ klei găl mnuih c̆iăng thâo, leh anăn grăp êpul phŭn sang Kbŭt C̆ar Hgŭm kăp ksiêm dlăng, tơdah mâo klei ngă jhat mơ̆ng êpul knŭk kna phung ƀai, s…