عأرفن تہٕ عاشقن دیدار برونٹھہٕ کنہِ ) اسد پرے )
Автор: Kashmiri کشمیری Sufism صوفی اِزم
Загружено: 2026-01-14
Просмотров: 1726
عأرفن تہٕ عاشقن دیدار برونٹھہٕ کنہِ
چُھے وصل تِمن تاجہٕ کنہِ لولو
ازلہٕ مقبولس اضطراب زور انہِ
نیرِ سُے پیر ژھارٕنہِ لولو
پیرٕ سُند اسرار للناوِ منز منہِ
تس کونہٕ دِلس سنہِ لولو
نابینہٕ ہس کُس زُلف تہٕ خال ونہِ
أنۍ لوٗر لگۍ سارنہِ لولو
محنتہٕ رۆستُے ون فقیر کُس بنہِ
کاکؠن کتھہٕ چھے چھینہِ لولو
دُنۍیہس بسنے آمژٕ زٕے زنہِ
صورت ، دولت تھیکٕنہِ لولو
ناپایہ دارس ایمان کُس انہِ
تھر فقیرس چھیہ تورٕ کنہِ لولو
کوتاہ مجنون در نظر سفر انہِ
کَس بنُن گُدرُن ونہِ لولو
یَس نقشِ لیلا کھننہٕ یی ہنہِ ہنہِ
کوتاہ در مثال انہِ لولو
دۄن دلن منز باگ نیرِ یُس پھیرنہِ
ژۄن سرن ہنز خبر انہٕ لولو
ذأتی ، صفأتی سور یی تس ونہِ
ستتھ ساس پردٕ ژٹہِ منہِ لولو
بِہۍ بِہۍ موزور شہر لۆگ ہاوٕنہِ
پیادٕ کتھ ایمان انہِ لولو
اۆن گاش دارس وتھ لۆگ ہاوٕنہِ
گاش دار لۆگ راوٕنہِ لولو
أند مأدانچ خبر مےٚ کُس انہِ
چُھم گژھُن تور کُنہِ زنہِ لولو
مانندِ سوار پھیوٚرُس ہنہِ ہنہِ
نار ، واو آب لٔگۍ پکنہِ لولو
منصور بأیس یار ییلہِ آو ونہِ
انا الحق لۆگ پرنہِ لولو
عألمَو تہٕ ظألمَو لایہِ ہَے تس کنہِ
تس کونو لۆگُے تنہِ لولو
ستھ رنگ ستھ شہود دیدٕ لگٔۍ پھیرٕنہِ
از وجود لٔگۍ نیرٕنہِ لولو
تس عمل پنہٕ نی گتھ کرِ برونٹھہٕ کنہِ
یُس أندرٕٕ صفا بنہِ لولو
رنگہٕ رنگہٕ چیز یُس عطارس نش انہِ
عأنہِ عطار سُے بنہِ لولو
بادٕ فروش سلطان سُے ہا بنہِ
حأجنُک اسد پرے ونہِ لولو
#کلام_اسد_پرے
#NisarSufi
Singer Ali Mohammad Sheikh
Kalam Asad Paray
Доступные форматы для скачивания:
Скачать видео mp4
-
Информация по загрузке:
