CATHOLIC FILIPINO LIVE MASS TODAY || December 24 Day 9 MISS DE GALLO | REV FR DOUGLAS BADONG

Catholic Church Live Mass Today December 24, 2025 SIMBANG GABI Mass
Rev Fr Douglas Badong, Parish Priest
December 24 Featured Playback . Banal na Misa
Misa de Gallo | Simbang Gabi Day 9
IKA-4 Linggo sa Panahon ng Pagdating ng Panginoon (A)
4th Week of Advent. Filipino Live Mass Today

ALELUYA

Aleluya! Aleluya!
Sinag ng bukang-liwayway
at araw ng kaligtasan
halina’t kami’y tanglawan.
Aleluya! Aleluya!

MABUTING BALITA
Lucas 1, 67-79

Ang Mabuting Balita ng Panginoon ayon kay San Lucas

Noong panahong iyon, napuspos ng Espiritu Santo si Zacarias na ama ni Juan at nagpahayag ng ganito:

“Purihin ang Panginoong Diyos ng Israel!
Sapagkat nilingap niya at pinalaya ang kanyang bayan,
At nagpadala siya sa atin ng isang makapangyarihang Tagapagligtas,
Mula sa lipi ni David na kanyang lingkod.
Ipinangako niya sa pamamagitan ng kanyang mga banal na propeta noong una,
na ililigtas niya tayo sa ating mga kaaway,
at sa kamay ng lahat ng napopoot sa atin.
Ipinangako rin niya na kahahabagan ang ating mga magulang
at aalalahanin ang kanyang banal na tipan.
Iyan ang sumpang binitawan niya sa ating amang si Abraham,
na ililigtas tayo sa ating mga kaaway,
upang walang takot na makasamba sa kanya,
at maging banal at matuwid sa kanyang paningin, habang tayo’y nabubuhay.
Ikaw naman, anak, ay tatawaging propeta ng Kataas-taasan;
sapagkat mauuna ka sa Panginoon upang ihanda ang kanyang mga daraanan,
at ituro sa kanyang bayan ang landas ng kaligtasan,
ang kapatawaran ng kanilang mga kasalanan.
Sapagkat lubhang mahabagin ang ating Diyos;
magbubukang-liwayway sa atin ang araw ng kaligtasan
upang magbigay-liwanag sa mga nasa kadiliman at nasa lilim ng kamatayan,
at patnubayan tayo tungo sa daan ng kapayapaan.”

Ang Mabuting Balita ng Panginoon.