Tv Klan - Presidenti Clinton mbylli vizitën në Tiranë

Fiks pas 24 orësh Bill Clinton la Tiranën edhe pse vetë siç pohon mikpritësi I tij, Kryeministri Rama në një postim, do të donte të qëndronte akoma.

“Ishte e gjitha e jashtëzakonshme! Nuk do doja të ikja sot dhe po iki duke menduar se emri tjetër i Nju Jorkut është West Albania”.

Presidenti i 42-të i SHBA u prit në një ceremoni të veçantë në kryeqytetin shqiptar të hënën e 3 Korrikut, ku iu dorëzua nga Kryeministri Rama “Kordoni i Madh me Yll të Mirënjohjes Publike”, në praninë e 1 mijë të ftuarve dhe me mijëra qytetarëve që kishin dalë në bulevardin “Dëshmorët e Kombit” për t’u bërë pjesë e nderimit të mikut më të madh të shqiptarëve.

Mandati 8-vjeçar presidencial 1993-2001 i Bill Clintonit mbahet mend për shumë reforma të rëndësishme, por për shqiptarët ai kujtohet gjithmonë si mbështetësi dhe mbrojtësi i luftës së drejtë të popullit të Kosovës dhe kundërshtari më i madh i brutalitetit dhe genocidit serb mbi popullatën kosovare, arsye që e çoi drejt vendimit për bombardimin e Serbisë në Prillin e 1999.

Kosova ishte sërish pas 24 viteve pjesë e fjalimit të tij në Tiranë, ku situatën e krijuar në veri e cilësoi si marrëzi që duhet të ndalet.

Përpara largimit për në aeroport, ish-Presidenti Clinton dhe Kryeministri Rama u takuan sërish për një bashkëbisedim në vilën qeveritare numër 30 dhe në dalje ish-shefi i Shtëpisë së Bardhë dhuroi përshëndetjen e fundit të tij në Shqipëri nga xhami i hapur i makinës.


SUBSCRIBE to “RTV KLAN” on YouTube for more videos!

Email: [email protected]

Për më shumë informacione vizitoni faqen tonë web https://tvklan.al/
Videot e fundit nga Tv Klan i gjeni në faqen https://tvklan.al/video/
Follow Tvklan on Facebook:   / tvklan  
Follow Tvklan on Instagram:   / rtvklan  
Programet e Tv Klan mund t’i ndiqni edhe në faqen https://tvklan.al/programe/