مقدم شمل | مهداه الى الشيخ : مسلط بن شعيفان ابو ثنين ، اداء : فيصل المداريه | 2024
Автор: قناة شيلات سبيع الغلبا الرسمية
Загружено: 2024-01-25
Просмотров: 32161
مهداه للشيخ :
مسلط بن شعيفان ابو ثنين
كلمات :
مطلق بن ناصر الطايعي
اداء :
فيصل المداريه
تصميم ماجد السبيعي
0538716870
كما يتـوق امـن الشياهيـن قرنـاس
يتـوق قلـبـي للجـديـد ويجـيـده
مانيب في العِرف اتهجس تهجاس
ابيع واشري في العلوم الوكيده
ولحتجت راي انصا بديهين الحساس
واستد بريا اصحاب لريا السديدة
نشيدة الشاعر لها وزن وقياس
ومدح المديح يزود ملح النشيدة
بمدح مديح اصخي كف وقوي باس
ومن خيرة الإسلام دين وعقيدة
وزعيم والباس الزعامة له الباس
توفرت فيه المزايا الحميدة
أبو اثنين اللي تسولف به الناس
مقدم شمل ماهوب مقدم بديدة
له الزعامة من قديمٍ على ساس
اعلّم اللي يحسبنها جديده
انكان شيخ الشمل راسـن فهـو راس
منهـو كنيـد أبـو اثنـيـن ونـديـده
روسن تروس الروس ما هيب تـراس
روس الجماليـن الكـبـار العنـيـده
خيّالهم ياخـذ علـى الخيـل مـرواس
يـوم القنـا ذخـر الكنـيـد لكنـيـده
فرسان لاركبـوا علـى قـب لفـراس
وكرمـان يـوم ان المراجـل امكيـده
واليوم عاد الماس مـا عـوّد انحـاس
كبيرهـم شـيـخ وولـدهـم ولـيـده
في مجلس الحاكم لبواثنيـن مجـلاس
مسلـط رفيق ابـن اسعـود وقعيـده
ورايه يدوس اريـا ولاهـوب ينـداس
ننشـد مـن الجيـد ونـدري ابجيـده
ماهيـب عـرض للغنايـم ولـفـلاس
واللـي محمـد وامتـه مـن عبـيـده
أشعـاري اجــداد وجمايـلـه دراس
وهدوه مسح دينـي وهـدوي قصيـدة
اهداء على كومن من المال في اكيـاس
رصيدي اللي راصـده مـن رصيـده
اوفيـت منـه نـاس ومسلفـن نـاس
وعطيـت نـاس وعـاد منـه شريـدة
بين الرجا يا مسامـر البـرق واليـاس
ما واعد الله بـه يجـي فـي الوعيـدة
وما ضاع غير الحق تدفنـه لطعـاس
وما فقد غير الديـن مـا هـو فقيـده
اللي طمسها الوقت والوقـت طمـاس
وبغـت تبيـد بهـا السنيـن المبـيـده
كانت تصور لي عواكيـس وانحـاس
وتشيـل فـي نفسـي لنفسـي حقيـده
وبالعكس صارت حظ ماهوب عوكاس
الله وفّقـهـا الـنـوايـا الـرشـيـده
وفيـت يـا حـلال مفتـول لمـراس
ومدّيـت يـا مـال الغنـاة المـديـده
لو حط لهل المد كـاس مـن المـاس
ويحط كـاس المـد فـي راس ميـده
ابن شعيفـان المرشّـح علـى الكـاس
و راعـي الجزلـة ماهيـب الزهيـده
ايقظ حمل اللي شكـا ضيـم التعـاس
ويحـل قيـد اللـي يدفـدف بقـيـده
قلته واقابل فى العطا ما لـه اجنـاس
سولف يـارادو واكتبـي يـا جريـدة
Доступные форматы для скачивания:
Скачать видео mp4
-
Информация по загрузке: