E bija e Henes dhe e Diellit - Pjese nga Tregime te Mocme Shqiptare (e Mitrush...

📗 Librin "Tregime te mocme shqiptare" e gjeni tek linku https://bit.ly/3vr7oqJ
Ish një nënë, kish një djalë. Të vetëm e kish. E donte me përgjëratë. Djali dilte për gjah. Nëna e porositi: - Bir, bir! Gjithë maleve të gjuash, veç në mal të kuçedrës mos gjuaj. Se kuçedra është shumë e keqe, bir: të ha, të përpin.
Atje kanë shkuar shumë trima e nuk janë kthyer prapë...
Djali nuk e dëgjoi nënën, po e dëgjoi vashën e zemrës. Vasha i tha: - Trim, në më do mua, në asnjë mal të mos gjuash, vetëm në mal të kuçedrës të gjuash! Trimi e donte shumë vashën e bukur e nuk ia shkelte kurrë fjalën. Pra u ngrit e shkoi të gjuajë në mal të kuçedrës. Sapo u ngjit atje lart, zuri të lëkundet dheu me gjithë gurë e drurë. I doli përpara kuçedra e madhe me shtatë krerë e shtatë brirë, me sytë si pishtarë të ndezur, me gojën sa një shpellë, me flatra në kurriz si krahët e lakuriqit të natës, po shumë të mëdha. Nxirrte tym e flakë të verdhë nga goja. Kjo flakë digjte e përvëlonte barin, lulet, shkurret. Përpoqi tri herë bishtin dhe u bë tërmet i madh. Djali nuk u tremb: vuri shigjetën në hark. Shigjeta u nis, fërshëlleu po nuk i bëri asgjë kuçedrës. I ra me shtizë, po as shtiza nuk i bëri gjë. Nxori shpatën, po kuçedra lëshoi një grahmë kaq të fortë sa djalit i ra shpata nga dora.
Kështu, trimi mbeti përballë kuçedrës pa shigjeta, pa shtizë, pa shpatë. Kuçedra qeshi me të shtatë gojët, iu afrua, e përcëlloi me flakë e i tha: - Tani unë do të të ha, o djalë, se ti shkele malin tim. Nuk ke dëgjuar ti se ai që shkel këtë mal nuk mbetet i gjallë? Këtu kanë ardhur shumë trima të tjerë përpara teje e të gjithë i kam ngrënë. Edhe ty do të të ha. Bëhu gati!
Moj kuçedër stërkuçedër, unë e shoh se ti do të më hash. Me të vërtetë qënke shumë e fortë. Të lutem vetëm një gjë: më ler të shkoj gjer në shtëpi që t'i kërkoj nënës uratën e vdekjes. Pastaj do të kthehem këtu që të më hash. - Ç'do të më japësh ti mua që të të le të shkosh?
Do të të jap besën time. - Mirë, nëma besën e shko.
Djali i dha besën kuçedrës, zbriti malin, shkoi drejt në shtëpi e i tha nënës:
Zonja nënë, mua më zuri kuçedra në malin e saj tek po gjuaja e tani do të më hajë. Unë i dhashë besën se do të kthehem e ajo më lëshoi. Tani falme uratën e vdekjes se do të shkoj të më hajë. Nëna lëshoi kujën, qau, bubutiu:
Bir, o bir! Ç't'u desh ty të shkoje në mal të kuçedrës? Pse s'më dëgjove mua? Mos shko! - Jo, nënë, do të shkoj, se i kam dhënë besën kuçedrës.
Trimi buzëqeshi hidhur e u përgjunj që nëna t'i japë uratën; ai i puthi dorën, ajo i fali uratën, u vesh me të zeza, u mbyll në shtëpi... Djali shkoi tek vasha e zemrës e i tha: Te falem, moj e bukura ime! Kam ardhur të të le lamtumirën se unë do të shkoj e nuk do të kthehem më. Do të më hajë kuçedra se më zuri tek gjuaja në malin e saj. Shigjeta nuk i bëri gjë, shtiza nuk e preku, shpata më ra nga dora kur u mata ta qëlloj. I dhashë besën se do të kthehem prapë të më hajë. Pra, mbeç gëzuar, moj e bukur!
Vasha vuri buzën në gaz. Të vjen keq se do të të hajë kuçedra? Jo, moj e bukur. Ti më ke falur kaq ngazëllime me bukurinë tënde e me buzëqeshjen tënde, sa shkoj në vdekje pa asnjë pendesë. Qofsh e lumtur e rri me hëndet, se dua të arrij shpejt, më pret kuçedra. Prit, djalë, se do të vij edhe unë në mal me ty. Djali u vrenjt.
Mos eja, moj e bukura ime, se atje tunden gurët e drurët; kuçedra është shumë e keqe: të përvëlon, të ha, të përpin. Unë nuk vij, po të rrish edhe ti me mua, përngaherë. Nuk mund, moj vashë; i kam dhënë besën kuçedrës e nuk e shkel dot... Më mirë i vdekur se sa besëshkelur.
E bukura qeshi e i tha:
Do të vij me ty.
Vasha i hypi një kali të bardhë, trimi i hypi një kali të zi e ia muar përpjetë malit të kuçedrës. Vasha dukej si e veshur me dritë. Djali e shikonte e drithërohej. Thosh me vete: "Qysh ta hajë këtë bukuri kuçedra?
Ah, sikur të kisha tri jetë... Do t'ia falja të tria kuçedrës që ta linte vashën të
kthehej në shtëpi dhe të rronte e lumtur”.
E bukura vuri re se ai dic bluante në mendje dhe e pyeti: Ç'mendon ti, o trim? Ai i tha ç'mendonte: Të kisha pasur, moj e bukur, tri jetë, do t'ia...

🗨 Mirëpresim komentet dhe pyetjet tuaja më poshtë 😊

📍 SUBSCRIBE Kanalin e Bukinist:    / @bukinistal  
📌 Website: https://www.bukinist.al
📌 Facebook:   / bukinist.al  
📌 Instagram:   / bukinist.al  
📌 Email: [email protected]

#EbijaeHenesdheeDiellit #Tregimetemocmeshqiptare #Perralla #Bukinist.al

E bija e Henes dhe e Diellit,Pjese nga Tregime te Mocme Shqiptare,mitrush kuteli,perralla shqip,eni sadiku,perralla,perralla per femije shqip,perralla shqiptare te vjetra,perralla shqip lexim,perralla shqiptare me mesazh,perralla shqip te reja 2021,perralla shqip hirushja,perralla shqip te reja,perralla shqip me tekst,perralla shqip tekst,perralla shqip 2019,perralla shqip 2020,perralla shqip 2018,perralla shqiptare,bukinist,bukinist.al,perralla bukinist