موبارەک ئەی دڵەی تیرەم لە قاپیی شاهێ وەستاوی ...دەنگی خەلیل شەکرالی شیعری ماتی
Автор: she3r.w. wta
Загружено: 2024-10-15
Просмотров: 848
موبارەک ئەی دڵەی تیرەم لە قاپیی شاهێ وەستاوی
سەراپا کائینات یەک یەک سەری دانا لەپێناوی
چ شاهێکە..! کە جاهی سەد شەهـ و سوڵتانی پێ ناگا
چ شۆخێکە..! هەموو عالەم فیدان بۆ یەک نیگای چاوی
لەڕوودا ماو و شەرمەندەم زمانی عەرزی حاڵم کوا؟
لە نووری ڕەحمەتی قوربی ، لەسایەی زوڵفی شێواوی
فیدای جێ پێت کە باخی جەننەتی لێ هاتە پەیدابوون
بەبێ تۆ جەننەتیی چی بکەن لە باخ و کەوسەر و ئاوی؟
چ یارێکی..! گڕی عەشقت لە قەلبی عالەما هەڵکرد
چ نوورێکی..! بەنووری حەق نەماوی هەم نەسووتاوی
لە مەدحی ڕووتە تەفسیراتی ئایەی (أحسن التقویم)
کە یەعنی خوا بەقودرەت صورەتی بێ نەقسی کێشاوی
جەماڵت گەر بڵێم ماهە ئەبێتە مەحوی ڕوخسارت
بڵێم خۆرە ، ئەبێ ئاوا لە شەوقی تۆ نەما تاوی
ڕەسولی ئەکرەمی یەعنی مەقامت بەرز و بێ هەمتا
خودا خۆی ڕۆژی ئەووەڵ تاجی میعراجی لەسەرناوی
غوڵامت قوطبی ئیرشاد و مەدار و قوطبی ئەوتادن
گەدای دەرگاکەتن ئەبدال ، وەلی هەرچی هەیە ناوی
سەراپا عالەمی مەعنا لە میمی (أحمد)ا غەرقن
خودا خۆی عالــمە لەو میمەدا چی بۆ حەشارداوی
لەسەر عەهدی قەدیمانە کەسێ ڕۆحی فیدای تۆ بێ
بەڵێ ئایاتی قورئـــانە (ڕیجال) شایانە بۆ ناوی
فیدای تۆ و ئال و ئەصحابی کیرام و جەمعی ئەحبابت
ئەوەی وا نیمە بۆت دانێم ، ئەوەی وا ماوە پێم داوی
مەدینەت کردە گوڵزاری سەفای ئەهلی دڵان یەکسەر
لە سای تۆوە بەهارێکە ، خەزانی وشکی خاراوی
ئەگەر ڕێگەی نەجات ئەگری لە دەرکی ئالوبەیتابە
قەزا وابێ لەوێ بمری ، یەقینت بێ نەفەوتاوی
حەیات و مردنی خستۆتە قاپیی پڕ لەئیحسانت
لە (ماتی) وەرگرە حاڵی دڵ و ناڵەی نەبیسراوی
ماتی
Доступные форматы для скачивания:
Скачать видео mp4
-
Информация по загрузке:
