مرحبا بالاكابر عند روس الدواهي || اداء عبدالله البرازي || كلمات عابد القحطاني

كلمات الشيلة


لي شهر والفكر عن ساحة الشعر لاهي
كل ما هام في وادي تسامى كليمه

ماطرا لي على كثر الطواري ب زاهي
ولا لقى بالي الراهي مقام ٍ يهيمه

ومن بعد طالت الغيبات شد انتباهي
لازم منوخ القاله وجبت الغنيمه
.
احتزم يابن صنيدح وأآآمر وناهي
انت امرك على القيفان شيمه وقيمه

القريحه بحفلك مثل شيخ ٍيضاهي
والجزاله على فالك هماليل غيمه

احتفل واطلق حجاجك وفالك بجاهي
وازهل اللي من الاعجاب تاخذ قسيمه
.
مرحبا بالاكابر عند روس الدواهي
مرحبا مرحبا حي الوجيه الكريمه

البساط أحمدي والكيف والبن راهي
وازرق العود فايح والتراحيب ديمه

مرحبا مرحبا ترحيب بالطيب باهي
في حفل حر ٍ مضرا لكسب الغنيمه
..
سعود العديم اللي على الكايدات ايكود
ملاذ الدخيل اللي يروم الفنى دونه

وجيه الربع لاكلحت فالليال السود
ومحزمهم اللي للصعايب يعدونه

رشيدي ٍ ليا جيته بحاجة ومقصود
تشوف السعد والعز مقرون بعيونه

ليا طاحوا الفريس يبقى قصير سعود
جبل ماتطيح الا حموله من متونه

ولاقالوا ان الشبل ذا من عرين اسود
هذا الشبل شبل سعيد والطيب مضمونه

طواري ابوه الهيلعي مثل ريح العود
ليامن طرى تلقى النعم فيه مقرونه

دواوينه اللي بالكرم ماعليها زود
يزبن بها الجاني ومدهال يلفونه

وله اخوانٍ تعسف الصعيب وترد الذود
ليامن زهمهم جوه من فوق مضنونه

عمامه عمى عين الردى فزعة المضهود
كبارٍ تشوف الكايد الصعب ياهونه

خواله خوال العز لا ثور العبرود
فعايلهم تخلد بالامجاد مقرونه

موازرةٍ ادناهم نهار الملاقى طود
يحد الخصوم ويدحم الروس بمتونه