حياتك بعد الثانوية - وثائقي كلية إقتصاد وعلوم سياسية

ودلوقتي معادنا مع عاشر وثائقي من مبادرة #حياتك_بعد_الثانوية 🙈
وهي معلومات بسيطة عن كلية #سياسة_و_إقتصاد🤍
متنسوش في الكومنتس تقيموا الفيديو وتعرفونا رأيكم فيه وسيبولنا اي اسئلة عندكم عن الكلية🤍

اسرح بخيالك كدة معايا عزيزى القارئ وتعالى نسألك اسئلة من اللي بتيجى ف بالنا وقت ال overthinking دى
مثلا ايه وجه الشبه والاختلاف بين فادى عضلات (جاامد يا جدعان💪) واحمد ابو زيد (دروس اونلاين)؟ ..هاتقولى الاتنين يوتيوبرز صح!! ..لا وجه شبه اقوى معلش ..وبلاش بديهيات كلنا عارفين ان الاتنين رجالة والاتنين عندهم مناخير واحدة وعنين اتنين وبيتنفسو من غير خياشيم
استنى اقولك انا بدل ما ليلتنا تطول..
الاتنين خريجين كلية هندسة...اه والله عزيزى القارئ زى ما بقولك كدة..كلية هندسة اللى بتخرج مهندسين ايوة!!
هل دة معناه عزيزى القارئ انهم لازم يكونو مهندسين ..لا صح..
ماهو مش كل واحد اتخرج من هندسة او من اى كلية اشتغل ف تخصصه عزيزى القارئ نعقل الكلام يعنى!
بدليل ان الاتنين بيشتغلو يوتيوبرز عادى جدا زى نماذج كتير غيرهم..
طب معلش عزيزى القارئ ممكن تقولى ايه وجه الاختلاف بينهم.. ايوة هو اللى ف دماغك.. المحتوى .. الاتنين بيقدمو حاجات مختلفة جدا جدا عن بعض..
هل معنى ان الاتنين يوتيوبرز يبقو بيقدمو نفس المحتوى..لا صح..
طب هل هما معروفين للناس على انهم يوتيوبرز ولا مهندسين وكليات قمة وجامدين وترابيزات بلياردو وبينج ..لا بردو..
كل واحد فيهم معروف بمحتواه اللى بيقدمه واللى مالوش اى علاقة لا من قريب ولا بعيد بدراستهم ولا كليتهم ولا ببعض اصلا..وزيهم عزيزي القارئ زى ناس كتير..عندك مثلا استاذ يحيى الفخرانى ساب الطب عشان التمثيل..
الطب عزيزى القارئ اللب بيدرسوا فيه 7 سنين وشوية سنين كده كمالة عشان نلبس البالطو الابيض ويتقال دة دكتور قد الدنيا ...هل عزيزي القارئ يحيى الفخرانى لما ساب الطب خسر وبقا فاشل ؟..اظن لا صح ..
طب هل خريج اى كلية غير اللى بيتقال عليهم كلية قمة فاشل؟؟...طب هل اصلا خريج كلية قمة ناجح فعلا؟؟...وهل ممكن حد ينجح فى غير مجاله او تخصصه؟؟
والسؤال الاهم هل اصلا المستوى التعليمى او الدراسة الجامعية بتحدد مستقبلك ونجاحك وحياتك اللى جاية ولا دة كلام على ورق؟؟
كل الحدوتة دى هانعرفها بتفاصيلها ونفهمها اكتر فى مبادرة حياتك بعد الثانوية اللى هانقدملكم فيها محتوى جاامد يا جدعان💪
هاتعرفو من خلاله تحددوا انتم فعلا محتاجين ايه وهدفكم ازاى تحققوه
هانكون ليكم المرشد اللى هايفهمكم انتم داخلين على ايه ..ويعنى ايه حياة جامعية وتتعامل ازاى معاها فى جميع التخصصات والكليات وحتى المعاهد😉
دمتم ناجحين🤍
#عالم_التانيين #احلم_خطط_هتوصل