🔴 “Balluku përcaktonte tenderat me telefon”, Hoxha: Vodhi 50 mln euro dhe qëndron ende në detyrë

🔴 “Shqipëria drejt një qeverie teknike besimi, shteti është i kriminalizuar”, Hoxha: Duhet të...

I ftuar: Lisandër Hoxha

Skandalet e korrupsionit që lidhen me tenderët publikë dhe kapjen e shtetit nga krimi i organizuar, të reflektuara në dosjet “Balluku” dhe AKSHI, përbëjnë vetëm majen e ajsbergut, pasi sipas opozitës pritet që në vijim të bëhen publike edhe çështje të tjera të denoncuara, të cilat ndodhen aktualisht nën hetim nga drejtësia e re.

Kështu u shpreh në studion e News24 anëtari i Këshillit Kombëtar të PD-së dhe ish-kandidat për zgjedhjet e 11 majit, Lisandër Hoxha, i cili e cilësoi të paprecedentë faktin që zv/kryeministrja Belinda Balluku vijon të qëndrojë në detyrë, pavarësisht akuzave për korrupsion dhe aferave me tenderë publikë, përfshirë edhe abuzime të rënda financiare në projektin e tunelit të Llogarasë.

Sipas Hoxhës, kjo situatë krijon domosdoshmërinë për rrëzimin e qeverisë aktuale, krijimin e një ekzekutivi teknik dhe zhvillimin e zgjedhjeve të parakohshme. Ai deklaroi se vendi po qeveriset nga një strukturë që, sipas tij, funksionon si një grup i organizuar kriminal, ku tenderët caktohen me telefon dhe projektet publike fryhen në kosto në mënyrë abuzive.

“Tenderët bëhen me telefon, rrugët kushtojnë shifra të pajustifikuara, janë ndërtuar më shtrenjtë se në Zvicër dhe krimi i organizuar kontrollon pushtetin. Kjo mënyrë qeverisjeje ka marrë fund. Shqipëria nuk mund të vazhdojë më kështu,” u shpreh Hoxha.

Ai ngriti gjithashtu shqetësimin për paradoksin institucional, ku ministrja e Infrastrukturës dhe Energjisë, ndonëse e përfshirë në hetime nga SPAK dhe subjekt i masave nga GJKKO, vijon të ushtrojë detyrën. Sipas tij, kjo tregon një krizë të thellë të funksionimit të shtetit dhe mungesë përgjegjshmërie politike.

Hoxha theksoi se ka bërë denoncime të vazhdueshme publike për aferat korruptive të qeverisë, jo vetëm për rastin Balluku, por edhe për segmente të tjera të ekzekutivit. Ai shtoi se ekzistojnë prova dhe fakte që, sipas tij, çojnë edhe më lart në hierarkinë e pushtetit, duke nënvizuar se qeveria aktuale “është rrëzuar moralisht”, por mbahet ende në këmbë artificialisht.

Politikani paralajmëroi se në të ardhmen e afërt do të dalin në dritë edhe skandale të tjera, të cilat aktualisht janë pjesë e hetimeve dhe nuk mund të bëhen publike për shkak të sekretit hetimor.

Sipas Hoxhës, qeveria që do të dalë nga zgjedhjet e reja duhet të jetë partnere e drejtësisë, në mënyrë që vendi të çlirohet nga ndikimi i korrupsionit dhe krimit të organizuar. Ai theksoi se standardet demokratike nuk mund të vendosen pa mbështetjen e partnerëve ndërkombëtarë dhe një bashkëpunim të fortë me ta.

Në përfundim, Hoxha deklaroi se kësaj qeverie dhe politikanëve që e përfaqësojnë u ka ardhur fundi, duke shtuar se Shqipëria ka nevojë urgjente për zgjedhje të lira dhe një ndryshim rrënjësor, për të ndalur varfërinë, korrupsionin dhe shpopullimin e vendit.
Subscribe në kanalin “News24 Albania” për më shumë lajme: / news24albania
Website: https://www.balkanweb.com/
Ndiq News24 në Facebook: https://bit.ly/2K4vrI4
Ndiq News24 në Instagram: http://bit.ly/41waTOE
Ndiq News24 në X: / balkanwebcom

#news24albania #news24al #balkanweb #lajmeshqip #lajme #tirana #lajmeshqiptare #kuvendi #kuvendishqiperise #shpendgashi #oponence #EugenBeci #AnduenaLlabani