Taleh Bağırzadə: “Qobustan həbsxanasında insanlıq faciəsi yaşanır”

“Qobustan həbsxanasında insanlıq faciəsi yaşanır. Yerli və beynəlxalq insan haqları təşkilatlarına, sosial şəbəkə fəallarına, Milli Şuraya müraciət edirəm, buna biganə qalmayın...“, - deyə “Müsəlman Birliyi” Hərəkatının sədri Taleh Bağırzadənin müraciətində bildirilir.

Nardaran məhbusu Taleh Bağırzadə bildirib ki, ona qarşı təzyiqlər davam edir. Sitat: “Soruşuram, başqalarından fərqli olaraq, həbsxana daxilində mənə niyə qandal tətbiq edirsiz? Deyirlər, əməkdaşlara xəsarət yetirə bilərsiz. Deyirəm, narahat olmayın, mən kimsəyə xəsarət yetirmərəm. Əksinə, Qobustan həbsxanasının rəisi Avtandil Ağayevə qandal tətbiq eləmək lazımdır ki, günahsız insanlara əl atır, döyür, xəsarət yetirir. Cabbarı ölümünə döyüb, çənəsindən elə vurub ki, 15 günlük “kars”dan sonra da xəsarətin yeri sağalmayıb. Bundan əlavə Penitensiar Xidmət Pərviz adlı adamı göndərib yanıma, məni təxribata çəkməyə çalışır. O da elə biridir ki, az qala, döymədiyi dustaq qalmayıb. Bunlar hamısı planlı şəkildə olan hadisələrdir. Burada insanların təhlükəsizliyindən söhbət gedə bilməz”. Sitatın sonu.

Penitensiar Xidmət həbsxanalardan dəfələrlə yayılmış bu tipli məlumatları təkzib edir.

Kanala abunə ol - https://goo.gl/TcM9Fm

WebSite: http://www.meydan.tv
Facebook: http://fb.com/MeydanTelevision
Twitter:   / meydantv  
Google+ https://plus.google.com/+MeydanTelevi...
İnstagram:   / meydantv  

__
Xəbərdən çox xəbər var. Çəkin göndərin yayımlayaq - whatsapp : +49 176 16263646