DJALI I MBRETIT DHE SHTRIGANI - Perralla Shqiptare 100+1 Nate (Interpretuar nga Eni Sadiku)

DJALI I MBRETIT DHE SHTRIGANI - Perralla Shqiptare 100+1 Nate (Interpretuar nga Eni Sadiku)

NA ISHTE QË MOS NA ISHTE! Na ishte njëherë një mbret që s'bënte fëmijë. I shkon shtrigani i veshur si mjeke i thotë: - Unë do të bëj që t'i të lindësh fëmijë, po me kusht që djalin e parë të ma falësh mua. Edhe mbreti pa ç’pa, u shtrëngua dhe i dha fjalën. S'kaloi moti dhe mbretëresha u mbars e lindi djalë. Nuk shkoi shumë kur mbretëresha u mbars së dyti dhe një ditë, shtrigani u dha në pallat të mbretit e i kërkoi djalin pas kuvendit që kishin bërë. E mbreti jo ta jap, jo s'ta jap, më në fund e pa që s'e hante dot fjalën dhe ia dha djalin. Shtrigani e mori djalin dhe e shpuri në shtëpinë e vet, e cila kishte nëntëdhjetë e nëntë oda. I dha djalit kyçet e gjithë odave, përveç asaj të nëntëdhjetë e nëntës dhe e porositi se, sido që të vinte puna, atë odë nuk duhej ta hapte kurrë. Edhe djali i hyri fort në zemër shtriganit dhe ky i mësoi shumë djallëzira e marifete nga të vetat. Shtrigani e kishte zakon të flinte njëzet e katër orë e të rrinte zgjuar njëzet e katër orët e tjera, të hante më njëzet e katër orë e të rrinte pa shtënë gjë në gojë njëzet e katër orët e tjera dhe kësisoj i bënte gjithë punët. Në shtëpinë e tij kishte nga gjithë gjëja e gjallë që është mbi këtë dhe, sidozot, shtazë edhe shpezë. Një ditë, pasi kishte hapur të gjitha odat përveç të nëntëdhjetë e nëntës, djali u mendua një hope tha me vete: "Pa ta hap njëherë edhe këtë e të shoh ç'ka brenda!” Dhe pa një e pa dy e hapi si gjithë të tjerat. Kur ç'të shihte? Në atë dhomë flinte shtrigani dhe shtazët e shpendët u trembën e zunë të piskasin e të ulërasin. Po, megjithatë bujë që u bë, shtrigani nuk u zgjua ngaqë ende nuk ishin mbushur të njëzet e katër orët. Ndër kafshët e tjera aty brenda ishin edhe tri pela e tre qen, që shtrigani iu kishte shtënë për të ngrënë së prapthi, pelave kocka, ndërsa qenve bar. Edhe djali, duke e parë këtë punë të prapë të të zot, iu qas kafshëve dhe ua shkëmbeu të ngrënët. Atë kohë shtriganit i doli gjumi edhe u sul ta zërë e ta vrasë djalin. Po ky bëri siç e mësuan pelat. Mori një legen me ibrik, një kokërr kripë e një krehër dhe si iu kërceu në shpinë pelave, u bë erë e ia mbathi. Shtrigani i ra pas dhe po e ndiqte me vrap të madh aq sa njëmend po e mbërrinte. Po djali, kur pa që ky iu afrua, hodhi pas shpinës kokrrën e kripës dhe sakaq, mes atyre të dyve u ngrit një mal i lartë. Shtriganit iu desh goxha kohë që ta kaptonte malin, gjithsesi duke iu dhënë këmbëve me vrik, pas ca e mbërriti sërish djalin. Atëherë ky i hodhi krëhërin dhe në çast, para shtriganit u fanit një pyll i dendur me drurë e shkurre. Sidoqë iu desh një farë kohe që të përshkonte pyllin, shtrigani, siç thamë, njihte shumë marifete dhe pas ia doli sërish që t'i qasej djalit. Ndërkaq ky i vërviti legenin me ibrikun dhe shtriganit iu shpif një det i paanë e i pafund. E megjithatë, shtrigani hyri në ujë, por, sa mbërriti gjer në një farë vendi, vuri re që djali e kishte kapërcyer sinorin dhe kish mbërritur në atë vend që ai e kishte nakar të shkelte. Kështu që desh, s'desh, u kthye andej nga kishte ardhur, ndërsa djali u kthye në shtëpinë e prindërve shëndoshë e mirë.

🗨 Mirëpresim komentet dhe pyetjet tuaja më poshtë 😊

Festivali i librit Bukinist 2021 - Zbulo më shumë ten faqja e Webit tonë https://bit.ly/2GZV3GZ

📍 SUBSCRIBE Kanalin e Bukinist:    / @bukinistal  
📌 Website: https://www.bukinist.al
📌 Facebook:   / bukinist.al  
📌 Instagram:   / bukinist.al  
📌 Email: [email protected]

#PerrallaShqiptare #Djali_i_Mbretit #Shtrigani #Bukinist #100+1 Nate #EniSadiku


Perralla Shqiptare,Bukinist 2021,Bukinist.al,perralla shqiptare,perralla shqiptare me tekst,perralla shqiptare me mesazh,perralla shqiptare liber,perralla popullore shqiptare per femije,perralla shqiptare te vjetra,perralla te vjetra popullore shqiptare,perralla shqiptare me shkrim,perralla per femije,perralla per femije shqip,perralla shqip,Perralla Shqiptare 100+1 Nate,Eni Sadiku,DJALI I MBRETIT DHE SHTRIGANI,djali i mbretit,shtrigani,djali dhe shtrigani