လေတပ်ဗုံးကြဲမှုကြောင့် နာရေးဆုတောင်းပွဲမှ ၂၁ ဦး ပွဲချင်းပြီးသေဆုံး (ရုပ်သံ)

ဂျူချန်း
မဇ္ဈိမ။ ။ ကချင်ပြည်နယ် ၊ ဗန်းမော်မြို့နယ် ကောင်းဂျာ(ထီးလင်း) ကျေးရွာတွင် နာရေးရက်လည် ဆုတောင်းပွဲလုပ်နေစဉ် စစ်ကော်မရှင်တပ်က လေကြောင်းမှ ဗုံးကြဲတိုက်ခိုက်ခဲ့သဖြင့် အရပ်သား ၂၁ ဦး နေရာတွင်သေဆုံးခဲ့ပြီး ၂၈ ဦး ဒဏ်ရာရရှိခဲ့ကြောင်း ကချင်လွတ်မြောက်ရေးတပ်မတော် ( KIA ) သတင်းနှင့်ပြန်ကြားရေးတာဝန်ခံ ဗိုလ်မှူးကြီးနော်ဘူက ပြောသည်။

ယမန်နေ့ ဇန်နဝါရီ ၂၂ ရက် ညနေ ၄ နာရီခန့်တွင် ကောင်းဂျာရွာကို လေကြောင်းမှ သုံးကြိမ် ဗုံးကြဲခဲ့ခြင်းဖြစ်ပြီး ထိုဗုံးကြဲမှုကြောင့် သေဆုံးသူများတွင် အသက် ၃၀ မှ ၄၀ ဝန်းကျင်အရွယ် အမျိုးသမီး အများစုပါဝင်ကာ ဒဏ်ရာရသူများတွင် နှစ်လသားအရွယ် ကလေးငယ်တဦးနှင့် ၁၀ နှစ်ဝန်းကျင်အရွယ်မိန်းကလေးငယ်တဦး ပါဝင်ကြောင်း သိရသည်။

ဗန်းမော်မြို့တွင် တိုက်ပွဲဖြစ်ပွားနေသော်လည်း ဗုံးကြဲခံရသည့် ကောင်းဂျာ(ထီးလင်း) ရွာသည် ဧရာဝတီမြစ် အနောက်ဘက်ခြမ်းတွင်တည်ရှိပြီး တိုက်ပွဲဖြစ်ပွားသည့်နေရာသည် ဧရာဝတီမြစ် အရှေ့ဘက်ခြမ်းတွင် ဖြစ်သည်။

ကောင်းဂျာရွာတွင် မူလ အိမ်ထောင်စု ၁၀၀ ခန့်ရှိပြီး ဗန်းမော်တိုက်ပွဲကြောင့် စစ်ဘေးရှောင်များလာရောက်ခိုလှုံနေသဖြင့် အိမ်ခြေ ၂၀၀ ခန့်ရှိကြောင်း ဗိုလ်မှူးကြီးနော်ဘူက ပြောသည်။ ယခုဗုံးကြဲတိုက်ခိုက်မှုအတွင်း စစ်ဘေးရှောင်များလည်း သေဆုံးခဲ့ပြီး အသေးစိတ်အခြေအနေကို စုံစမ်းနေဆဲဖြစ်ကြောင်း ဆိုသည်။

မေးမြန်း/တည်းဖြတ်-ဂျူချန်း
စာတည်း။ ။အောင်ကျော်ဖြိုး
#လေကြောင်းတိုက်ခိုက်မှု
#နာရေး
#ဗန်းမော်မြို့နယ်
#ပြည်တွင်းသတင်း
#Mizzima
#နာရေးကိုလေကြောင်းမှဗုံးကြဲ
-----------------------------------------
လွတ်လပ်တဲ့ မီဒီယာအဖြစ် ရပ်တည်နိုင်ရေး မဇ္ဈိမကို ဝိုင်းဝန်းကူညီပေးဖို့ ဖိတ်ခေါ်ပါတယ်။ Mizzima YouTube Channel တွင် မန်ဘာဝင်ခြင်း နှင့် ဖော်ပြပါလင့်များတွင် လှူဒါန်းခြင်းမှတဆင့် ထောက်ပံ့နိုင်ပါသည်။
https://bit.ly/2VhJ12U or https://tinyurl.com/donatemzm

Subscribe Mizzima TV :
   / @mizzimanewstv  

One link to follow all Mizzima platforms:
https://mizzima.carrd.co