Opinion -Intervista e fundit e Bashkim Gazidede, dhënë për Blendi Fevziun (26.10.2006)

#Opinion | Emision politik live nga #BlendiFevziu në #tvklan

Intervista e fundit e Bashkim Gazidede, dhënë për Blendi Fevziun.

Ai akuzon ish-kreun të SHIK, Fatos Klosi, “i cili ka vrarë dy kryetarë shërbimi” në Vlorë dhe Lushnjë.
Ndiqeni të plotë intervistën!

Blendi Fevziu: Të nderuar teleshikues mirëmbrëma! Ju flas nga studio e emisionit Opinion si çdo të enjte në orën 21:00. Sot emisioni ka ndërruar disi formatin e tij për arsye se një i ftuar disi i veçantë është pjesë e këtij emisioni. Një nga figurat më të komentuara të këtyre 16 viteve të pluralizmit politik, një nga njerëzit e rëndësishëm të administratës shqiptare në vitet ‘92-’97, por që sërish është gjendur në qendër të një cikloni polemikash pas publikimit të një ngjarje që lidhet me zhdukjen e biznesmenit kosovar Remzi Hoxha si dhe me debatin për hapjen e dosjeve të ish- Sigurimit të Shtetit. Në të vërtetë ai është një personazh, i cili ka ndarë një pjesë të kohës, nuk ka qenë në Shqipëri bëhet fjalë për ish-shefin e Shërbimeve Sekrete Shqiptare në vitet ‘92-‘97 Bashkim Gazidede. Zoti Gazidede mirëmbrëma dhe mirë se keni ardhur!

Bashkim Gazidede: Mirëmbrëma!

Blendi Fevziu: Ju falënderoj që pranuat ftesën megjithëse e di që për një njeri shërbimesh është gjithmonë e vështirë të flasë përpara kamerave, qoftë edhe kur është larguar prej tyre.

Bashkim Gazidede: Po sigurisht përderisa edhe vetë emërtimi është shërbim sekret mendoj se nuk duhet të jenë gjithmonë objekti i debatit publik problemet e këtij lloj shërbimi. Megjithatë ka probleme që edhe mund të diskutohen publikisht, edhe mund të jepen mendime pa dëmtuar shtetin, mendoj.

Blendi Fevziu: Por shpresoj që ju do jeni sa më i hapur dhe i drejtpërdrejtë në këtë intervistë dhe padyshim sa më i sinqertë në përgjigjet tuaja.

Bashkim Gazidede: Ashtu mendoj dhe unë.

Blendi Fevziu: Zoti Gazidede, intervista juaj sot do të jetë një lloj profili, duke filluar që nga viti 1991 dhe duke u përqendruar kryesisht në ato pika që kanë qenë, jo vetëm të mistershme, por shpeshherë edhe akuza ndaj jush ose ndaj institucionit që ju keni drejtuar gjatë viteve 1992-‘97. Por, po e nis pikërisht me atë profil. Cili ka qenë angazhimi juaj përpara vitit 1991 kur ju u zgjodhët deputet i Partisë Demokratike në Peshkopi?

Bashkim Gazidede: Unë kam mbaruar për mësues matematike në Shkodër në vitin 1976. Kam shkuar në shkollë të lartë pas një katërvjeçari ndërprerjeje, siç ndodhte shpesh në atë kohë. Kam mbaruar me rezultate shumë të mira. Kam punuar mësues në disa fshatra të Peshkopisë. Mbas njëfarë periudhe, arrita të rregulloj plotësimin e provimeve pranë Universitetin e Tiranws në degën e Matematikës dhe në këtë periudhë më morën pedagog në Fakultetin e Shkencave, në katedrën e Matematikës. Që nga viti 1984 kam punuar në Fakultetin e Shkencave të Natyrës deri në vitin 1992, kur u bëra deputet i PD-së dhe më vonë shef i shërbimeve sekrete.

Blendi Fevziu: Ç‘lidhje kishit ju me Partinë Demokratike?

Bashkim Gazidede: Unë vij nga një familje që nuk e ka dashur komunizmin asnjëherë. Jam rritur në një ambient familjar ku komunizmi është kritikuar vazhdimisht. Nuk mendoj se është më tepër merita ime, por merita e traditës familjare. Unë kam pasur shokë dhe miq, me të cilët gjithmonë kam folur për problemet që unë mendoja se nuk ishin të drejta në atë kohë. Kështu që nga 1991 nuk ishte gjë e jashtëzakonshme për mua. Unë dhe në fakultet, në atë kohë, kam pasur shokë dhe miq me të cilët bisedoja. Krijimi i PD-së për mua ishte një gjë që nuk më linte të mendoja e në cilën anë do të jem. Dhe, nëse unë kandidova për PD-në në 1991 në Peshkopi, edhe pse e dija që nuk fitohej, unë do t‘u bëja shërbim atyre patriotëve të mi nga Peshkopia. Të paktën, ata që më njihnin ta kuptonin se në cilën anë isha. Ky ishte qëllimi im në atë kohë. Pastaj ata menduan të më kandidojnë sërish në ‘92 dhe ndoshta jashtë dëshirës time, kandidova sërish në vitin 1992 dhe u zgjodha deputet.

Blendi Fevziu: Zoti Gazidede, si ndodhi që u vutë ju në krye të SHIK-ut, në maj 1992?

Bashkim Gazidede: Unë nuk kam pasur asnjë lidhje personale me zotin Berisha në atë kohë, kur ai ishte President. Nuk e kisha takuar asnjëherë. Unë dhe sot e kësaj dite nuk e di saktësisht se kush më ka propozuar pranë tij. Sigurisht që do t‘i kishin folur fjalë të mira./tvklan.al


Emisioni politik më i ndjekur dhe më i preferuar në ekranet shqiptare. “Opinion” vjen në katër takime çdo javë – e hënë, e martë, e mërkurë dhe takimi tradicional i të enjtes mbrëma.
SUBSCRIBE to “RTV KLAN” on YouTube for more videos!

Për më shumë informacione vizitoni faqen tonë web https://tvklan.al/
Videot e fundit nga Tv Klan i gjeni në faqen https://tvklan.al/video/
Follow Tvklan on Facebook:   / tvklan  
Follow Tvklan on Instagram:   / rtvklan  
Programet e Tv Klan mund t’i ndiqni edhe në faqen https://tvklan.al/programe/