May karapatan ba ang legal na asawa sa ari-arian na binili ng kanyang asawa at ng kinakasama?

Nakasaad sa Article 148 ng Family Code na sa mga kaso ng pagsasama-sama na hindi kasal dahil hindi sila pwedeng magpakasal dahil wala silang legal capacity na magpakasal, halimbawa kasal pa sa iba ang isa o silang dalawa, tanging ang mga ari-arian na nakuha o nabili nilang
dalawa sa pamamagitan ng kanilang aktwal na pinagsamang kontribusyon ng pera, ari-arian, o industriya ang dapat nilang pag-aari nang naaayon sa kani-kanilang kontribusyon. Nakasaad sa Article 147 ng Family Code na kapag ang isang lalaki at isang babae na may kakayahang magpakasal sa isa't isa, ay namuhay bilang mag-asawa na hindi kasal o sa ilalim ng walang bisang kasal, ang kanilang mga ari-arian na nakuha nilang dalawa sa pamamagitan ng kanilang trabaho o industriya ay pinamamahalaan ng mga patakaran sa co-ownership.
Ang mga ari-arian na nakuha habang sila ay naninirahang magkasama ay dapat ipagpalagay na nakuha sa pamamagitan ng kanilang magkasanib at magkasamang pagsisikap, trabaho o industriya, at ang mga ito ay pagmamay-ari nila na pantay. At kahit na walang ambag o hindi lumahok ang isa sa kanila sa pagkuha ng anumang property, dapat na ituring na nag-ambag sa pagkuha nito kung ang gawain naman niya ay pangangalaga at pagpapanatili ng pamilya at ng sambahayan. Ang mga pagsisikap sa pangangalaga at pagpapanatili ng pamilya at sambahayan, ay itinuturing o considered na mga kontribusyon sa pagkuha ng ari-arian ng isang walang suweldo o kita o walang trabaho basta siya ang nangangalaga at nagpapanatili ng pamilya at sambahayan.