شيلة سيرة مكة كلمات رائد العالي آداء بندر الحافي
Автор: رائد العالي
Загружено: 2015-04-17
Просмотров: 3386
الرحله اللي من هنا مبداها
للقمه اللي كايدٍ مرقاها
سلاحها شرد البيوت الجزله
اللي تنومس شاعرٍ سوّاها
انا لها من بعد توفيق الله
ومقدم الجزله يبي يلقاها
اليوم مالك عذر ياهاجوسي
دام القصيده زان لك معناها
تزهى القصيد الدرة المصيونه
واغلا المشاعر والشعر يزهاها
فيها صفات بغيرها ماتوجد
الله هو اللي خصّها واعطاها
أمّـاً ذكرها فالكتاب المولى
سبحان من بـ ام القرى سمّاها
تاريخها مجدٍ يشرّف ذكره
من يوم لاسماعيل ثجّت ماها
على ارضها قامت ركون الكعبه
في مركز الأرض ارتكز مبناها
وعلى ارضها مولد نبي الرحمة
صلو عليه من الصلاة ازكاها
ومن ارضها الإسلام شعشع نوره
نوراً وصل بالأرض لين اقصاها
ويوم ابرهه سيّر جموع جيوشه
فزع لها الله واهلكه ماجاها
قطفت من بستان سيرة مكه
أجمل ثمارٍ زيّنت ذكراها
لو كان ماني ناسياً حاظرها
مير المباني ساسها مبداها
اليوم تعجز من بغى يوصفها
ويسحر عيون الناظر محياها
اغلا ثرا واطهر بقاع الدنيا
أمة محمد كلها تنصاها
لها تشد رحال حج وعمره
وفيها الصلاة افضل لمن صلاها
يكفي شرف مليار مسلم واكثر
مكة لهم قبله بأمر مولاها
واليا اقترب موعد قيام الساعه
تحرم على الدجال ماياطاها
Доступные форматы для скачивания:
Скачать видео mp4
-
Информация по загрузке:
