Nano: O Muç Muçi, nuk është hata që po largohesh si ministër, ti nuk je miku im (3 dhjetor 2001)

#kpd #MustafaMuci #FatosNano #Ps
Mustafa Muçi: Unë dua t’i them KPD që unë pranoj të gjitha përgjegjësitë që rrjedhin gjatë realizimit të detyrës, pasi ka hapësira për të punuar më mirë dhe për të arritur më shumë rezultate. Por nuk mund të pranoj të hidhet baltë mbi personalitetin, angazhimin dhe përgjegjësinë që kemi treguar këto 2 vjet.

Duke falenderuar kryeministrin Meta, besimin e shfaqur dhe mbështetjen që më ka dhënë, duke falenderuar dhe KPD-në, i kam bërë të njohur vendimin tim kryeministrit dhe poi a bëj të njohur dhe Komitetit të Përgjithshëm Drejtues, për të dhënë dorëheqjen e parevokueshme.

Duke qenë i çliruar nga pesha e një përgjegjësie të madhe, do të doja t’i shpjegoja KPD-së se qëndrimi publik i kryetarit të PS ndaj personit tim nuk ka qenë dhe nuk është aspak parimor, por ëshshtë shprehje e qejfmbetjeve dhe e mërive personale për shkak të mosrealizimit apo ndërprerjes së interesave edhe pasurore personale.

Unë jam përgjegjës për shkarkimin nga detyra të ish-drejtorit të Telekomit shqiptar, mik i kryetarit të partisë, nga vendi ku emri dhe figura e kryetarit ishte kthyer në pjesë përrbërëse të biznesit të kompanisë. Unë jam përgjegjës për shkarkimin e drejtorit, por arsyet se përse e kam bërë me shumë vonesë këtë shkarkim më mirë se të gjithë i di kryetari.

Gjithashtu unë jam përgjegjës që nuk zbatova porosinë e liderit të mazhorancës që të ndikoja mbi Entin Rregullator të Telekomunikacioneve gjatë kohës kur ishin duke u zhvilluar procedurat e tenderit të dytë të licensës GSM për të rregulluar në kundërshtim me ligjin, pra për të ndikuar përfaqësuesit e entit që fitues të dilte kompania e preferuar e kryetarit.

Unë jam përgjegjës që nuk zbatova porosinë e kryetarit për të falsifikuar dokumenta zyrtarë me qëllim që t’i bëhej presion shoqes sonë Natasha Paço, nëpërmjet arrestimit të bashkëshortit të saj, për shkak të një aktiviteti në fushën e karburanteve, në mënyrë që ajo të tërhiqej nga kandidimi për deputete, duke e vendosur përballë një skandali.

Unë jam përgjegjës gjithashtu për moszbatimin e shumë porosive të tjera parimore të liderit të mazhorancës, për të cilat do të flas në momentin e përshtatshëm.

Fatos Nano: E përgëzoj Muçin për përgjegjësinë për të marrë përsipër të gjitha përgjegjësitë dhe për të mbrojtur dinjitetin e vet. Nëse do të kishte ndonjë raport tjetër profesional midis nesh do të ishte ai i imi me Muçin jurist. Pra, për ato insinuata që bëre, unë formalisht mohoj çdo lidhje dhe çdo arsyetim që adaptove, i cili ka dhe përmbajtje politike, do të duhet të arsyetojmë akoma më thellë për këtë gjë, edhe për përgjegjësinë tënde që në kohën kur ne bënim fushatë me Telekomin dhe jo me Taqi Raftin si individ, nuk ke bërë të ditur gjithë këto hatara që paske zbuluar në Telekom, me të cilat ne jam i bindur që nuk kemi abuzuar dhe spekuluar si kartë elektorale.

E treta, unë i dashur Muç Muçi, nuk kam ndonjë raport të caktuar personal me ty. Ti nuk je miku im, se po të ishe miku im nuk do të ishe ministër. Por ti nuk je as armiku im sepse nuk je ministër si armiku im. Unë jam një njeri me një qëndrim konstant politik, moral dhe publik dhe nëse do të isha i ndryshëm, do të merresha me ty personalisht, ti nuk do të kishe hyrë kurrë në administratën e lartë shtetërore, sa kohë që isha unë atje në qeveri dhe tani këtu. Për shkak se në vitin ‘96 gjyqtari Muç Muçi, kur Kuçova na mirëpret të gjithëve, mua në ’91, Namikun kur unë isha në burg, Bashkimin pas Namikut. Më shpalli këshilli bashkiak qytetar nderi dhe prefekti Mile e kaloi në gjykatë çështjen, gjyqtari Muç Muçi e ktheu mbrapsht duke thënë: ‘Le të rrijë në burg”. Nuk jam marrë me këtë çështje Muç Muçi, por do të merrem me ty si jurist sapo të mbarojë kjo mbledhje.

Mustafa Muçi: Më vjen mirë që ju vazhdoni të gënjeni sepse në vitin 1996 Muç Muçi ka qenë gjyqtar i Gjykatës së Gramshit, i transferuar nga Gjykata e Kuçovës, ku isha kryetar gjykate për arsye sepse mbaja në xhep fotografinë tuaj. Mua më vjen mirë që ju vazhdoni të gënjeni dhe kështu e keni nisur për të vazhduar deri në fund të kësaj karriere që e keni vulosur me vulën e dështimit.

Fatos Nano: O zoti Ruçi për zotin Muçi. Muçi po flet sikur po del në pension sot. Nuk është ndonjë hata e madhe që po largohesh ti ministër dhe unë do të vlerësoj edhe për moralin tënd personal se s’jam marrë deri më sot. Nuk po të kërcënoj. Nuk e di ç’ke bërë në Gramsh dhe s’të thashë gjë për Gramsh. Por përpara se të ikje në Gramsh ke konsumuar këtë fakt që të thashë. / tvklan.al


SUBSCRIBE to “RTV KLAN” on YouTube for more videos!

Për më shumë informacione vizitoni faqen tonë web https://tvklan.al/
Videot e fundit nga Tv Klan i gjeni në faqen https://tvklan.al/video/
Follow Tvklan on Facebook:   / tvklan  
Follow rtvklan on Instagram:   / rtvklan  
Programet e Tv Klan mund t’i ndiqni edhe në faqen https://tvklan.al/programe/