ვითარება ირანში

მთელი მსოფლიოს ყურადღება ირანისკენაა მიმართული. სხვადასხვა მედია საშუალების ცნობით, დაღუპულთა რაოდენობა შესაძლოა 20 000-ს აღწევდეს.
17 დღის წინ დაწყებული საპროტესტო გამოსვლები არ წყდება - ამერიკიდან დარტყმის შემთხვევაში ოფიციალური თეირანი ახლო აღმოსავლეთში ამერიკულ ბაზებზე თავდასხმებით იმუქრება. ვრცელდება ინფორმაცია, რომ აშშ მითითებული ბაზებიდან პერსონალის გაყვანას გეგმავს. ირანის სამხედრო მაღალჩინოსნები თავდაცვითი მზადყოფნის უმაღლეს დონეს აცხადებენ. საერთაშორისო საზოგადოება ირანის ხელისუფლებას დემონსტრანტების დახოცვისა და სასტიკი ძალადობის შეწყვეტისკენ მოუწოდებს - ვაშინგტონი რეაგირების სახით რამდენიმე ვარიანტს განიხილავს. სხვადახვა მედია საშუალება წერს, რომ ამერიკის მოკავშირეები ვაშინგტონს სამხედრო ძალის გამოყენებისგან თავშეკავებას სთხოვენ. ბოლო მონაცემებით, 28 დეკემბრის შემდეგ დაწყებული აქციების დროს 18 000-ზე მეტი ადამიანი დააკავეს, რომლებსაც ხელისუფლება ტერორისტული ოპერაციების მონაწილეებად მიიჩნევს - დაკავებულთა ნაწილს სიკვდილით დასჯა ემუქრება. ირანში მიმდინარე მოვლენები ქვეყნის ფარგლებს გასცდა - მსოფლიოს სხვადასხვა კუთხეში დემონსტრანტების სოლიდარობის აქციები იმართება. მათ შორისაა თბილისიც - ირანის საელჩოსთან შეკრებილებმა თეირანსა და სხვადასხვა ქალაქში მიმდინარე აქციების მონაწილეებს მხარდაჭერა გამოუცხადეს. 

ეწვიეთ ჩვენს საიტს - https://1tv.ge/
მოიწონეთ ჩვენი გვერდი -   / 1stchannel.1tv.ge  
გამოიწერეთ ჩვენი არხი -    / georgianpb  
ვიდეო წარმოადგენს საზოგადოებრივი მაუწყებლის საკუთრებას.
მისი გავრცელება შეგიძლიათ მხოლოდ ბმულის გაზიარებით.
დაუშვებელია მასალის ჩამოტვირთვა და სხვაგან ატვირთვა,
ამ შემთხვევაში მაუწყებელი უფლებას იტოვებს მიმართოს შესაბამის ზომებს.