المداح مشتاق طالب احمد ، مديح بحق النبي محمد صلى الله عليه وسلم .

اني مغرم بالنبي ودايم انا افديله العمر
مااعوف اني العشك اني اعشكك من الصغر

يابعد عمري وهلي ويابعد تلك العيون
يامحمد يانبينا ياقمر ياضي بالكون
عشك سيدنا الرسول يزيد بقلبي شجون
ما ابطل في محبتك حتى من امسي بقبر

يارسول الله حبيبي اتمنى اوصل للضريح
وادخل الروضه الشريفة وانظم اشعار ومديح
محمدالقهار مغرم بالنبي وقلبه جريح
حتى دمع العين وشل والقلم خلص حبر

اشكي همي للحبيب والمحب يسمع حبيبه
يارسول الله حبيبي وكتي خلاني بالخيبه
العشك بس للنبي لايك تره العشك الحبيبه
اذا رب الكون حبك شلون ميعشگك بشر

الجذع للمصطفى اشتاك لقدامه ويون
احد اجزاء النبات شلون للهادي يحن
اني مشتاك لحضرتك القلب صابه شجن
ياعظيم الجاه حبك عوداني اعلى الشعر

اني مغرم والقلب ينبض بأسم الحبيب
اني صاباني العشك امن الصغر حتى المشيب
يااله العرش ربي ياللهي يامجيب
فرح اكليبي اللهي برئيته بخير البشر

لايسامع لاتلوم خلني هايم بالرسول
ماحلالي اي عشك عشكه ساكن بالعقول
ارد احلفك يانبي بأسم فاطمة البتول
تنضر الصبري يسيدي مابقى عندي صبر

حاولت امشي وزور لاكن ايديه كصيره
ادموعي تنزل عالوجن حسره بكليبي جبيره
من مشو لرض النبي اخذو الروح الاسيره
والجسد باقي بديه واني ميت امن القهر

مشتاك ازور اني النبي وادخل الروضه الشريفه
واسجد وابقى اون وتنزل ادموعي الخفيفه
واجلس اكبال الضريح داخل الروضه العفيفه
واشكي همي للنبي وان بعد العسر اسر