Əlindəki qumbara ilə özünü tankın altına atan Milli Qəhrəman Etibar İsmayılov

Etibar İsmayılov 29 mart 1964-cü ildə Ağcabədi rayonunun Hindarx kəndində anadan olmuşdur. 1981-ci ildə burada məktəbi bitirmişdir. 1990-cı ildə o, erməni vəhşiliklərinə tab gətirə bilmir və könüllü olaraq müdafiə batalyonlarından birinə yazılır. Bir neçə batalyonda döyüşən Etibar sonralar Ağdam batalyonuna yazılır. O, tez-tez kəşfiyyata gedər və mühüm məlumatlar əldə edərdi. 1994-cü ilin yanvarın 4-də Etibarın tərkibində olduğu tabor yeni tapşırıq alır: Xocavənd rayonunda mövqe tutan erməni qəsbkarlarının arxasına keçmək və məlumat əldə etmək... Bu əməliyyat yerinə yetirilərkən onlar mühasirəyə düşürlər. Etibar döyüşçü dostlarını xilas etmək üçün əlindəki sonuncu qumbaranı sinəsinə sıxaraq özünü tankın altına atır və erməni faşistlərinin tankı ekipajla birlikdə məhv edilir. Onun bu qəhrəmanlığı dildən-dilə düşür. Etibar İsmayılovun şəhid olmasından sonra onun qəhrəmanlığına aid çoxlu şeirlər və dastanlar yazılmışdır. Subay idi. Azərbaycan Respublikasının Prezidentinin 5 yanvar 1995-ci il tarixli, 86 saylı fərmanı ilə İsmayılov Etibar Bəylər oğlu ölümündən sonra "Azərbaycanın Milli Qəhrəmanı" adına layiq görülmüşdür. Cəsədi döyüş meydanında qalmışdı.


Bizi İzləyin:
Whatsapp: https://bit.ly/457kdup
Facebook: https://bit.ly/3H6GtMT
Instagram: https://bit.ly/46wEkoi
Teleqram: https://bit.ly/3INUKP2
Sayt: https://bit.ly/3UzGQme

Copyright © İCTİMAİ TV
#Etibarİsmayılov, #MilliQəhrəman, #Azərbaycan, #Ağcabədi, #Xocavənd, #VətənMüharibəsi, #Şəhidlər, #Qəhrəmanlıq, #Tarix, #Müdafiə