اپنے دیس میں اپنا راج

Poet: Late Sufi Tabbasum
اپنے دیس میں اپنا راج:

اَپنا راج

لاکھ مُصِیبَت اَیک سُلجھاؤ، لاکھ بِگاڑ اور اَیک بَناؤ

لاکھ دُکھوں کا اَیک عِلاج

اَپنے دَیس میں اَپنا راج

خُود ہی بگڑنا خُود ہی سَںورنا، اَپنے بَل پَر آپ اُبھرنا

اَپنے ہاتھ میں اَپنی لاج

اَپنے دَیس میں اَپنا راج

اَپنی عدالت اَپنی گواہی، اَپنی حُکُومَت اَپنی شاہی

اَپنا تَخت اور اَپنا تاج

اَپنے دَیس میں اَپنا راج



اَپنا راج

لاکھ مُصِیبَت اَیک سُلجھاؤ، لاکھ بِگاڑ اور اَیک بَناؤ

غَیروں کی عَظْمَت کے قائل

اپنی ہَسْتی سے بے گانے

ٹھنڈی آگ میں جلنے والے

بُجھتی شَمْعوں کے پَرْوانے



اَپنا راج

لاکھ مُصِیبَت اَیک سُلجھاؤ، لاکھ بِگاڑ اور اَیک بَناؤ

اُجڑی نَگْری کی آبادی

بستی دُنیا کے ویرانے

جوش بھرے نَعْروں کے خُوگر

مَسْت نَواؤں کے مَتْوالے



اَپنا راج

لاکھ مُصِیبَت اَیک سُلجھاؤ، لاکھ بِگاڑ اور اَیک بَناؤ

ساحِل کی آغوش میں رہ کر

طُوفانوں سے لڑنے والے

دِل پہ غُلامی کی زَنْجِیریں

لَب پہ آزادی کے گانے



اَپنا راج

لاکھ مُصِیبَت اَیک سُلجھاؤ، لاکھ بِگاڑ اور اَیک بَناؤ

تَن کے مَنْدَر میں اُجیالا

مَن کی دُنیا میں اَنْدھیاری

بے ہوشی میں ہوش کی باتیں

جیسے خَابوں کی بیداری



بات میں شوخی، لَب اَفْسُرْدہ

ہنستے چہرے، دِل آزُرْدہ

رَنْگ نَیا، بے رَنْگ فَسانے

لفظ نئے، مَضْمُون پُرانے



اَپنا راج

لاکھ مُصِیبَت اَیک سُلجھاؤ، لاکھ بِگاڑ اور اَیک بَناؤ

لاکھ دُکھوں کا اَیک عِلاج

اَپنے دَیس میں اَپنا راج

خُود ہی بگڑنا خُود ہی سَںورنا، اَپنے بَل پَر آپ اُبھرنا

اَپنے ہاتھ میں اَپنی لاج

اَپنے دَیس میں اَپنا راج

اَپنی عدالت اَپنی گواہی، اَپنی حُکُومَت اَپنی شاہی

اَپنا تَخت اور اَپنا تاج

اَپنے دَیس میں اَپنا راج