Jenny Zenthiansiang - Vualzawlna Nak (Official)

Jenny Zenthiansiang - Vualzawlna Nak
Composed by V. Hangpu

1. Leivui pan a dopkang ka na hi a
Nunlui liamsa ka et kik chiang in
Bangmah hilou, khutvuak lel ka hi
Hiai tan honpi, Toupa Nang Na hi.

Chorus:
Vualzawlna nak ka Hondampa hoih aw
Nang apan in bangkim ka mu hi
Hi chitel a, hon it ka Toupa
Hallelujah! Na min ka hon phat hi

2. Ka pi-le-pu bang a khualtam hi di'n
Savuak lel in, mimbang ka hong piang
Tun zaw Na vualzawlna ka simseng lou
Ka gou thupipen Toupa Na hi

3. Ka neih-le-lam ka chih zong Nang a hi
Ka hinna leh ka hun Nang a hi
Khalam vualzawlna, lei vualzawlna
N'on itna vang a ka tan ahi

© 2025 Jenny Zenthiansiang. All Rights Reserved.

(Channel dang hiam, social media platform dangdang te ah ana re-upload sawnlou diing in iki ngen ahi. Do not re-upload on any social media platform.)


Heutupa V. Hangpu, Uhang, in a phuah "Vualzawlna Nak" sa thei diing a damna hon pia Toupa' min ka phat masa ahi.

Ka Ute' zi neih na diing a kisakkholhna ka neih lai un, ka innkuante adiak in ka pa'n la thak bawl le, a chi a. Huai diing in Uhang kiang ah kana gen ua. Aman la hoihtak, a hun toh kituak diing ana nei a, hun neih bangbang in ka ki zir uhi.

Kitenni te a hong tung a, su buaithei tampite lak ah, programme gel sa te zangtou thei, gen-le-sak diing omte hihzou diam in ka om ua, hiai leng vualzawlna ahi a, Toupa kiang ah kipahthu ka gen nawn ahi. Huai kawmkal ah, Tukum 2025 January kha sung a kitenna (moulopna) nih (2) nei ka hi ua, a kar ah hon suangtu ka pu uh (ka pa' pa) T. Khamzavung (kum 90) in hon omlouhsan hi. A damlai inleng eite dan in ngaihtuahna chiim te a nei nawn hetkei a, a theihtheihna te bang le omnawnlou khop in kuamah leng hon theitum nawnlou a etkol touh zel ahihlai in, phut in January ni 18 ziing in hon beisan hi. Na thuak sawt hetlou ka chi a, ka it kawmkawm in, hampha ka sa mahmah a, a sihni bang in leng iittu leh ngainatu tampite hong hoh in puan in hong tuam ua, sum-le-pai in hong gal ua, amaute' ziak in Toupa' min ka phat nawn ahi.

La khum hun in, ka aw deihbang zoulou a, ka pa'n na aw nem lua, a la toh kituaklou, sa hiahhiah in chih bawl a, ka sak thak chia le a ngei mah bang, lungtung chetlou a hunsak in, PaNgam (GMS) in a bawlzoh a, ka ngaih chiang ua, hoih sa zoulou, va bawl thak dia lah, hun ki nei nawn mahmah lou ahih chia, khah khiat se le ngaikei chia ka koih dap mai uh ahi.

Ka Udingte' kitenna a videographer Usiam (Lalsiam Studio) in coverage a bawl a tamlou la khia in, ken ka handycam a ka Usonte' kitenna a ka sungkuante, a om bangbang, man bangbang a ka na lak te gawm khawm a low budget deuh a a video di k'on bawl tawm mai ahi a, huchia koih dap mawk sah chihziak in. (Azoh kha, a vibe dia nidanglai video dan deih inga, chianglou, hi mialmual dan a omte. Huai kha, a thring e bange te chiselou in, ken nalh ka sak ziak a app subscribe zen a ka hih hinchin. Kitenna video te chiang na ahi, videographerte' lak chianglouh na sa kha di uah.)

Hichi dan khawng ahi hiai music video hon kibawl khiat dan, hichiin hunsak ni in. Ana ngai a, ana hamphat pih chiat diing in Toupa'n Hon vualzawl hen aw. Ka kipak!

Special thanks to:
Uhang, la lam a hon kithuahpih gige, buai pipi a hon saipih hamham theihna dia a hun manphatak kou a dia hon zatsak zel ziak in. A la ah le backing vocals dia a aw le hon thoh zomah ahi.

The Casts, Ka innkuanpihte 🧡. Video a k'on lak guk pawl bang le om a, ana heh kei unlan. Ken hoih k'on sak vek ziak a, hiai a dia kana zat ahi. A dawk lou tampi te bang ka dawk kei chia na nuak dek uleh, a nawn chiang adia siit nahi uh. Ei huai ni te a ki buai lua a, ki phe vengvung a, ka muh khak khak ka ban lak gawp ahih na ah.