Aks Khayal Butaan عکسِ خیالِ بُتاں
Автор: MAQAMAT (musical heritage)
Загружено: 2025-12-23
Просмотров: 80
کلام: محمد نصیر زندہ
آئینہ خیال بتاں سے نکل چلو
اے صورت خیال گماں سے نکل چلو
میں تیر سے کہوں کہ کماں سے نکل چلو
شعلہ بہ شعلہ شمع زباں سے نکل چلو
طرفہ شکن ہے خیمہ دل کی طناب میں
ارماں سے کہیے چشم فغاں سے نکل چلو
تعمیر
ہو رہی ہیں مری لامکانیاں
تم آسماں! صحن مکاں سے نکل چلو
زیبا نہیں حسینہ معنی کا پیرہن
مری سنو تو حرف بیاں سے نکل چلو
شعلہ نگاہ شعلہ بدن شعلہ پیرہن
اے شعلہ زار خیمہ جاں سے نکل چلو
پائے گماں سے فاصلہ دشت خواب زار
طے کر سکو تو قید زماں سے نکل چلو
عکس فریب میں نہ رہے نقش آرزو
اتنے قریب آؤ کہ دیاں سے نکل چلو
یزداں کا پردہ چاک ہو ذوق نمود سے
ایسا کرو کہ راز نہاں سے نکل چلو
یہ پیچ و تاب پاؤں کی زنجیر بن گئے
گرداب وہم و موج گماں سے نکل چلو
شیشے کے درمیاں ترا منظر ہے سرسری
اے صورت نگار یہاں سے نکل چلو
شبہ طراز عکس پہ آئینہ بول اٹھا
نظارہ فریب بتاں سے نکل چلو
اے تاج ور حسینہ ترا رنگ کھو گیا
نقش و نگار بزم جہاں سے نکل چلو
Доступные форматы для скачивания:
Скачать видео mp4
-
Информация по загрузке:
