विठ्ठल आमुचे जीवन (नाटाचा अभंग) - संत तुकाराम

विठ्ठल आमुचे जीवन (नाटाचा अभंग) - संत तुकाराम

विठ्ठल आमुचे जीवन । आगम निगमाचे स्थान ।
विठ्ठल सिद्धीचे साधन । विठ्ठल ध्यान विसावा ॥1॥

विठ्ठल कुळीचे दैवत । विठ्ठल वित्त गोत चित्त ।
विठ्ठल पुण्य आणि पुरूषार्थ । आवडे मात विठ्ठलाची ॥2॥

विठ्ठल विस्तारला जनी । सप्तही पाताळे भरूनी ।
विठ्ठल व्यापक त्रिभुवनी । विठ्ठल मुनि मानसीँ ॥3॥

विठ्ठल जीवीचा जिव्हाळा । विठ्ठल कृपेचा कोवळा ।
विठ्ठल प्रेमाचा पुतळा । लावियेला चाळा विश्व विठ्ठले ॥4॥

विठ्ठल बाप माय चुलता । विठ्ठल भगिनी आणि भ्राता ।
विठ्ठलेविण चाड नाही गोता । तुका म्हणे आता नाही दुसरे ॥5॥

स्वर - #विश्वनाथ_महाराज_वारिंगे
कोरस - #विवेक_वारिंगे
संकल्पना - #विवेक_वारिंगे