Francesco Pellegrino - 'A nuvena - 1888 De Leva - Di Giacomo

Francesco Pellegrino - Tenor.
Antonio Grande - Giutar.

Live in Cappella del Tesoro di San Gennaro Duomo di Napoli dic 2013

Photo by; Pasquale Pellegrino - Alessandro Farese


'A NUVENA


Di Giacomo - De Leva

Nu zampugnaro 'e nu paese 'e fora,
lassaje quase 'nfiglianza la mugliera...
Se partette pe' Napule 'e bon' ora
sunanno, allero allero: Ullèro, ullèro...

E ullèro, ullèro...
(Ma nun era overo:
'o zampugnaro,
penzava â mugliera...
e suspirava...
e 'a zampogna, 'e suspire s'abbuffava...)

Ah...ah...

Cuccato 'ncopp''a paglia, 'o Bammeniello,
senza manco 'a miseria 'e na cuperta,
durmeva, 'mmiez'â vacca e ô ciucciariello,
cu ll'uocchie 'nchiuse e cu 'a vucchella aperta...

E ullèro, ullèro...
che bella faccella,
che bella resélla,
faceva Giesù
quanno 'a Madonna
cantava: "Core mio, fa' nonna nonna..."

Ah...ah...

Tu scendi dalle stelle, o Re del cielo,
e nuje pigliammo 'e guaje cchiù alleramente...
Tasse, case cadute, freddo e gelo,
figlie a zeffunno, e pure nun fa niente...

Ullèro, ullèro!...
Sunate e cantate!
Sparate! Sparate!...
ch'è nato Giesù!
Giesù Bambino...
E 'a Vergine Maria s''o tene 'nzino...

Ah...ah...