鄭伊健搞聚會慶歌迷會成立33年 收粉絲炮製紀念片感動落淚

鄭伊健搞聚會慶歌迷會成立33年 收粉絲炮製紀念片感動落淚

鄭伊健相隔八年再搞歌迷會聚會，適逢歌迷會成立33周年，世界各地嘅歌迷都紛紛嚟到香港出席呢個難忘活動。伊健對聚會非常用心，更化身導演兼司儀，親自安排表演項目。活動開場，一位長髮少年為大家演奏大提琴，伊健更鬼馬問大家知唔知佢同少年嘅關係，聽見有Fans笑言係「父子」，令伊健都覺得好好笑。最後伊健揭曉答案，少年其實係老友陳光榮嘅囝囝Aiden。

伊健嘅粉絲對偶像同樣用心，佢哋唔只將場地布置到處處都可以係打卡位，更一齊整咗條片同伊健回顧33年嚟共同走過嘅點點滴滴，令伊健感動到流下男兒淚，一度講唔到嘢添。

伊健喺聚會上同陳光榮、朱雋言以及圈外好友Percy組成期間限定樂隊表演，演唱多首經典歌，令全場High爆。伊健亦宣布主演電影《久別重逢》將推出原聲碟同黑膠碟嘅好消息，佢亦感嘆喺目前市道要更珍惜可以出實體碟機會。而到活動尾聲，大家都玩得依依不捨，再三要求伊健Encore。

#鄭伊健 #歌迷會 #聚會 #黑膠唱片 #久別重逢 #電影 #陳光榮 #朱雋言 #表演 #經典 #難忘 #樂隊 #演奏 #實體唱片 #TVB #娛樂新聞 #TVB娛樂新聞台 #ENews #HKENews #香港娛樂八卦新聞 #八卦新聞

即刻Follow TVB 娛樂新聞台 Facebook專頁
  / tvbenews  

登入myTV SUPER享受睇TVB自製節目7日包括娛樂新聞的免費點播
https://bit.ly/2TXLlM0