“Gjithçka u shemb në pak minuta” – rrëshqitja e dheut i mori banesat e Vajzës
Автор: Vlora Info
Загружено: 2026-01-10
Просмотров: 1617
“I gjithë mundi i jetës shkoi dëm.” Kështu e nis rrëfimin e saj e moshuara, e cila prej vitesh jetonte në shtëpinë në Vajzë, por tashmë është detyruar të strehohet tek të afërmit.
“Vij e i shikoj, por është e kotë, nuk jetohet më. Banesat kanë rënë,” thotë ajo mes dhimbjes. Sipas saj, gjithçka ndodhi brenda pak minutash.
“Dëgjuam sikur po goditej me gurë, por kur dolëm jashtë ishte një tmerr i vërtetë. Oborri po shembej dhe banesa e fqinjit po spostohej. Dolëm me vrap dhe pamë që gjithçka po shkoqej nën këmbët tona,” rrëfen e moshuara.
Floresha Islami tregon momentet dramatike kur banesat nisën të shembeshin, duke lënë pas vetëm frikë, pasiguri dhe një jetë të tërë të humbur nën rrënoja.
Ndërkohë, të moshuarit në fshatin Vajzë tregojnë se një situatë e tillë nuk ka ndodhur asnjëherë më parë. Ata shprehen se banesat janë bërë të pajetueshme dhe kërkojnë ndihmë nga institucionet.
“Nuk futemi dot në shtëpi. Dy banesa janë shpallur të pajetueshme, ndërsa shërbimet e emergjencës na kanë thënë që edhe një familje tjetër nuk duhet të qëndrojë më në banesë, pasi kodra vijon të ketë rrëshqitje,” shprehen banorët.
Reshjet e dendura të shirave bënë që disa banesa në fshatin Vajzë, Bashkia Selenicë, të shembeshin.
Доступные форматы для скачивания:
Скачать видео mp4
-
Информация по загрузке:
