الستات وعمايلها محدش يقدر عليهم 😂🥺🥺

أوعى تخوفي أو تهددي ابنك💔

أنا عارف إنك بتحبي ابنك من قلبك، وبتعملي كل حاجة عشان تربيه كويس.

بس في نقطة مهمة جدًا لازم ناخد بالنا منها:

التخويف والتهديد مش تربية خالص ده هدم لروح وشخصية إبنك.

يعني لما دايماً تقوليله:

هسيبك لو عملت كده

هجيبلك العفريت

هكلم شرطة الأطفال تاخدك

لما أبوك ييجي هخليه يعمل ويسوي فيك

هزعل منك ومش هحبك تاني

لو مسمعتش الكلام هرمي لعبك ، هضربك ، هقول لفلان عليك

(والطفل خايف أو بيبكي)

أه إنتي بتقولي الكلام ده عشان يبطل سلوك مضايقك بسرعة، أو عشان تسيطري على الموقف، بس اللي بيحصل جوا عقل ابنك أكبر بكتير من أي سلوك غلط هو بيعمله.

وده بيخليه..

1️⃣ بيفقد الأمان معاكي:

إنتي المفروض تبقي الأمان اللي بيلجأله وقت الخوف، مش سبب خوفه، لما يخاف منك، بيتشتت ما بين "ماما بتحبني" و"ماما بتخوفني"

2️⃣ بيتعلم الكذب: عشان يهرب من التهديد والعقاب، هيبدأ يخبي ويكذب بدل ما يصارحك.

3️⃣ بيفقد ثقته في نفسه: لما كل شوية يتحط تحت ضغط التهديد، بيحس إنه ضعيف وإنه دايمًا غلط.

4️⃣بيعيش في قلق وخوف:

ودي اسوأ حاجه ممكن نسببها لطفل وهو لسه في بداية بناء وتكوين شخصيته.

5️⃣ بيتعلم إن الحب مشروط: يعني هيتحب بس لو سمع الكلام، ولو غلط يبقى ما يستاهلش حبك، وده أخطر درس ممكن يتعلمه طفل في حياته، مش هيدي غير لما ياخد وكل حاجة ليها مقابل ومش هيعرف يحب نفسه.

6️⃣ على المدى الطويل:

هيكبر وهو مش عارف يقول لأ للحاجة اللي بتتعبه أو يقبل علاقات مؤذية لأنه اتعود إن العلاقة الطبيعية = خوف وتهديد.

طيب نعمل إيه بدل التخويف؟

حطي حدود واضحة وثابته:

زي مثلاً لو كسرت لعبتك، مش هتلاقي لعبة تلعب بيها (دي نتيجة طبيعية لفعله مش تهديد)

اديله اختيارات: تحب ترتب لعبك دلوقتي ولا بعد 10 دقايق؟ وخليه يختار وينفذ اختياره.

أكدي على حبك ليه دايمًا: أنا بحبك، حتى لو غلطت، بس لازم نتعلم من الغلط ده.

الطفل مش محتاج يخاف منك عشان يسمع الكلام، الطفل محتاج يحس إنك أمانه، وإنك دايمًا جنبه حتى لو غلط، ووقتها هيسمع كلامك حب مش خوف.

ﮩ•┈┈••✾•◆❀◆•✾••┈┈•ﮩ
💞إذا أتممت القراءة فسبح بإسم الله واثبت حضورك بالصلاة والسلام علي سيدنا محمد وعلي آله وصحبه وسلم ﷺ💞
#أثـر
┈┉┅━❀🍃🌺🍃❀━┅┉┈
إقرأ📚 وانشر📩 تؤجر