Bolero City Pik-Up Review Hindi 2022 BS6 महिंद्रा बोलेरो पिक अप BSVI पिकअप

Website Link : https://www.mahindraboleropickup.com/...

#bolerocitypickup

Bolero ki Pick-up Range, aaj market ki sab-se lokpriy commercial vehicle range saabit ho chuki hai, jiska mukabala koi bhi aur brand nahi kar paai hai. Bolero Pick-up Range mein aapko kai-saare models milte hain jo alag-alag wheelbase, load-body ki size aur payload ke paryaay mein uplabdh hain. Bolero ‘City’ Pick-up model, iss range ka ‘medium’ aakaar aur payload wala paryaay hain. Ye model Mahindra-ne, san do-hazaar unnis mein hi dakshin Bharatiy market mein launch kiya tha, jahan par grahakon ne uska performance behad pasand kiya hai.

Payload:
Bolero Pick-up range mein hazaar kilo-se le-kar satra-sau kilo tak payload waale variants uplabdh hain. Unmein se Bolero ‘City’ Pick-up ka payload hain pandra-sau-kilo. Lekin dosto, kewal brochure mein likhe hue payload se, gaadi ki, maal-dhone ki kshamata ka andaaza, kabhi mat lagaana, ye toh sirf rated-payload hain - yane ke ‘official’ payload. Lekin sacchai toh ye hain, ke vaastav mein adhik-tar pick-up segment ki gaadiyon pe do-dhai ton se jyada maal dhoya jaata hain. Toh gaadi kitni asaani se overload kheech sakti hain ye uske engine-size pe, uske torque-pe aur sab-se jaroori wah kis r.p.m. pe peak-torque de rahi hain, ispe nirbhar karta hai. Aur iss maamle mein Bolero ‘City’ Pick-up apne pratispardhiyon ke chakke-chuda deti hain. Kyonki Bolero City-pick-up ka engine, dhai hazaar cc ka hain, aur usmein one-ninety-five Nm ka damdaar peak-torque uplabdh hain aur wo bhi kewal chauda-sau r.p.m. se milta hain. Isliye Bolero City Pick-up ki payload dhone ki kshamata behat shreshth hain. Khaas kar Flyover chadte waqt ya phir ghaat chadte waqt aap ko dono mein zameen-aasmaan ka fark mehsoos hoga. Rahi baat pratispardhiyon-ki toh unke baare mein hum aap ko aage batayenge.

Pratispardhiyon ka Payload:
Overloading ki kshamata dekhi jaaye, toh iske baaki pratispardhiyon mein jyada se jyada do-swa-do-ton tak hi loading mumkin hoti hai lekin Bolero City pick-up aapke liye teen-ton-tak ki loading mumkin karata hai. Agar aap Mahindra ke LCV truck ki Bolero City Pick-up ke se tulna karenge toh aap dekh paayenge ki Bolero City Pick-up ke hi engine se Mahindra ka khud ka LCV truck aaj paanch ton ka GVW khich raha hain. Ab Bolero City Pick-up mein teen-ton maal bhar diya toh uska GVW hoga four point seven ton, jo uske dhai hazaar cc engine ke liye koi badi baat nahin! Lekin kuch pratispardhiyon ke, piddu-se, ded-litre yane ke hazaar cc chote engine, teen ton payload kheechte kheechte khadak jaate hain..

Mileage:
Bolero City Pick-up ka company-claimed mileage hain satrah dashamlav do kilometre prati litre. Humare vishleshan ke dauraan usne sola- k.m.p.l. ka lajawaab mileage diya tha. Khaas kar jab overload rehta hain tab Bolero City Pick-up apna mileage banaye rakhta hain. Wohin baaki dusre trucks main humne hamesha yahi dekha hain, ke wah jab underload rehte hain, tabhi acha mileage de paate hain, jara-sa bhi overload kar-diya toh unke mileage ki band baj jaati hain. Do ton ke oopar toh unka mileage das-k.p.l. ke neeche chala jaata hain. Toh dosto gaadi lete waqt hamesha uchit power waali gaadi hi chunana, tabhi hoga aap ko jabardast profit aur hogi aap ki bharpoor tarakki!

Loading ki Kshamata:
Bolero Pick-up ki Range mein sade-saat-foot se le kar nine-point-one feet tak lambi load-body ke paryaay uplabdh hain, jismein ‘City’ model ke load deck ki lambai hain eight-point-seven-feet, lekin lamba loading deck hone ke bawajood gaadi ki lambai sola foot ke andar hain. Iska matlab teen-ton tak load dhone waali isse compact gaadi aap ko poore market mein nahin milne waali. Shehri traffic mein aur patli galliyon mein maal deliver karte waqt, ye kitne bade-faayde ki baat hain, ye toh aap janate hi hain. Mahindra ne City pick-up ke bonnet ki lambai jitni-ho-sake, utni ghatayi hain. Iska doosra faayda ye hua hain, ke chalak ki front visibility bahut sudhar gayi hain, jisse traffic mein gaadi kaatna aur bhi asaan ho gaya hain. Aur yahan par baat katam nahi hoti, kyonki Mahindra ne City pick-up mein chaude, do-sau-pandrah mm width ke tyre diye hain, aur suspension mein bhi kaafi sudhaarna ki hain, jisse ye ‘City’ naam ka pick-up grameen sadkon par athwa kacche-raston ko bhi asaani se langh sakta hain. Rahi baat iske pratispardhiyon ki, toh unki load body bhi Bolero-city-pick-up jitni hi lambi hain, lekin unka suspension Bolero City Pick-up jitna majboot bhi nahi hai aur unpe Bolero City Pick-up jaisa overload bhi karna namumkin hain, ye baat kabhi mat bhoolna dosto.

Warranty:
Bolero City-pick-up mein Mahindra ne teen-saal athwa ek laakh kilometre ki warranty di hain. Ek shreni neeche ki gaadiyaan dekhenge toh Dost plus mein bilkul Bolero City Pick-up jitni hi warranty milti hain aur baaki dusri brands mein toh agar aap dekhenge toh kuch models pe wah kewal do-saal aur bahattar hazaar kilometre ki hi warranty de rahe hai.

#collab