ओ मास्ता।। (O MAASTA) राजनीती गीत Akash akki, Khem singh negi & Rakesh chauhan jonsari song 2022

जौनसार मे चला राजनीती का चस्का
घर घर मे बेटा भी किसी का रहा नी बस्का
अक्की फ़िल्म प्रोडक्शन प्रस्तुत करता है जौनसारी गीत
ओ मास्ता
जौनसार का नारा
आमारा नेता कशना चांयी जशना हौला तशना चांयी

गायक- आकाश वर्मा ( अक्की ) खेम सिंह नेगी व राकेश चौहान
गीत के बोल
एक हाथौन्दी ताखड़ी तोलौं, दूजे हाथोन्दा पाथा,
असते घामें जौनसारौंदी कड़ी झुनौ की राता ,
ओ मास्ता,
ओ मास्ता राजनीति की राता, ओ मास्ता ,

खती खती बी चाल लागी, आदमी पांदी झाल लगी,
चुनाव बोठे तबी देखुन्दे, शाकरे मांडे गांव गांवोउंडे,
ठेकेदारु के मजदूर भागे, माडू लाडौंके टेंडर खुले,
टुटिये माड़ एकिये लाये, ओका नौठा तिड़ें खोले आये,
जिंमदारौका टाटू खरडूणां, माडू लांदे लांदे भींडांदा रुड़ा,
ओईजी बाबा , ऐब ना लौउओं,

कोजे गांवउंदी ताखड़ी पहुची, कोजे गावंदा पाथा
कोजे गांवन्दे बाकरे काटे, कोजे गांवन्दी राता, ओ मास्ता,
ओ मास्ता का लांणी एजी बाता ओ मास्ता ।।

चार धड़ी नुणोंकी लागी, पांची सुत्रौ को पाणी,
माली बामण जामनी राखे, दुर्गा बाजी स्याणी,
दुसा त बिके देव् धामु के, रातिक रुपिये बाँटडे,
भितरे भातरे वोट खरीदे, चोबारे बोठे जागदे,
कुखड़े माछी का खतरी बाजा, बाकरे को से सिंकार खांदा,
ओन्ग्रेजी के बोलत चांई, पिये करी जिंदाबाद लान्दा,
आमारा नेता कौशना चांई, जशना हौला तशना चांई ,,

शेली ख़ातिन्दी ताखड़ी पहुंची, लखवाड़ीन्दा पाथा,
कँणमांड़ीदे बाकरे काटे, तिलवाडिंदी राता ओ मास्ता,
ओ मास्ता, मेसा मेसा की बाता ओ मास्ता,,

कसको घर कसकी छानी, बोलियें एला कुणी ना मानी,
एकीका कुकड़ा दूजे सूर, तीजेको ढोल चौउथेके घूर,
कसको हखर, कसके खेत, बिदरे गयेणिएं, कुमौटे मेट,
लाग रोये भूख, भूखा रोआ पेट, होजदे आग भूखा रोआ पेट,
हाथोन्दा लोटा, खीसेंदो नूण, गुड़अको आखर, छारअ के धूड़,
देवी के बंध, देव्अ के रेंण, पाक्का बोट ऐब पड़ी चेंण,

एकी अखिन्दी ताखड़ी रींगौ, एकी अखिन्दा पाथा,
कुंणबे की त शेकटी भांड़ी, गाँवका छतियानाशा
ओ मास्ता,
ओ मास्ता लोटा नुणोंकी की बाता ओ मास्ता

हौउड़े का बी रिबन काटदे, थीयाँ बाता का बाकरा खांदे,
गांव स्याणे की हारुल बाजदी, जिंदाबाद नेते का लांदे,
आदे गांवउंदी खुमड़ी पौड़ी, आधे शुरीबी चोरुणी खेलौ,
अर्जे लागे पाथे ताखड़ियाके, विधायक निधि का दोष बोलों
बाबा को मंजण बेटे बीईड़ों, ख्वांदौका डिगुवा दाअ दा लागा,
मेरे बोट लिया नेते बाजे, मेरा बेटा कदी किछ ना बाजा,
सौअदा दिने आंमे बोट ईनुके, तबे बी एनुखे सुखो ना पड़ौ,
एलानु देउला बोट आपणेके, हरद्वार बी पाप नु कटलो,

ना चांई मुखे पाथा ताखड़ी ना तिनुकी धौंसअ,
लेखा रिटे आंमे इनूं पचीन्डे एबे करमें होशअ,
भाई भाई की खुमड़ी पौड़ी, सेओ दुरीदी देखौ
लेखा बांटे आंमे आँगड़े कुटमौअ एबे करमें होशअ, ओ दायियो
ओ भाइयो, एबे करमें होशअ ओ साथियों ।।।