宮良康正　🌈とぅばらーま🌈2曲　CD音源　👇歌詞👇　【八重山民謡・八重山古典民謡・コンクール課題曲】

『とぅばらーま』1
仲道路(なかどーみつぃ)から　七けーら通(かよー)け
仲筋(なかすぃずぃ)かなしゃーま　相談ぬならぬイーラ
ンゾーシヌ　カヌシャーマヨー

かなしゃーま誠(まくとぅ)ぬ者(むぬ)ゆやらば
歌ば聞(すぃ)き走(ぱ)り来(くぃ)んだらよイーラ
ンゾーシヌ　カヌシャーマヨー

二重(ふたい)まーぐぃぬ(ふぃとぅ)いらならば
河(かーら)ぬ水(みずぃ)ぬ　ぷぃくぃきしぱらばイーラ
ンゾーシヌ　カヌシャーマヨー

思(うぬ)てぃ通(かゆ)らば　千里(しんり)ん一里
またん戻(むどぅ)らば　元(むとぅ)ぬ千里(しんり)
ンゾーシヌ　カヌシャーマヨー

月(つぃくぃ)ぬ美(かい)しゃー　十日三日(とぅかむぃーか)月(つぃくぃ)
女童美(みやらびかい)しゃや　十七八頃(じゅしちはーちぐる)
ンゾーシヌ　カヌシャーマヨー

幾世迄(いつぃゆまでぃ)ん儘(まま)でどぅ　我思(ばなうもー)だ
今日(きゆ)ぬ別(ばか)りや　命中(ぬつぃじゅう)ぬ想(うむ)いむぬ
ンゾーシヌ　カヌシャーマヨー

昔(むかすぃ)ぬ人(ふぃとぅ)や　暮らしゆ歌に託(か)け
島(すぃま)ぬ宝で　今(なま)に残(ぬく)しょうり
ンゾーシヌ　カヌシャーマヨー

歌心(うたぐくる)数云(かずい)ず程(ふどぅ)に
思(うむ)いん情(なさき)ん　増しゅる定み
ンゾーシヌ　カヌシャーマヨー

歌にとぅまり我(ば)が生(ま)り島(ずぃま)に
黄金(くがに)ぬ花(ぱな)ゆ　咲かし給(たぼ)り
ンゾーシヌ　カヌシャーマヨー

山ゆ見りば八重山(やいま)ゆ　思(うむ)いだし
海ゆ見りば　生(ま)り島思(ずぃまうむ)い出し
ンゾーシヌ　カヌシャーマヨー

隔(ひだ)めうる故(ゆい)　我(ば)が生(ま)り島(ずぃま)ゆ
思(うもー)な居(う)らるぬ　朝ん夕(ゆ)さん
ンゾーシヌ　カヌシャーマヨー


『とぅばらーま』2
紺染(くんずぃみ)や藍しどぅ染(す)みる　ツィンダサヨー　ツィンダーサー
かなしゃーとぅ我(ば)んとぅや　肝(くぃむ)しどぅ染(す)みる　マクトゥニツィンダーサー
ンゾーシヌ　カヌシャーマヨー

河(かーら)ぬ水(みずぃ)や海にどぅ溜まる　ツィンダサヨー　ツィンダーサー
我(ば)んが思(うむ)いや　うらにどぅ染(す)まる　マクトゥニツィンダーサー
ンゾーシヌ　カヌシャーマヨー

月(つくぃ)とぅ太陽(てぃだ)とぅや　ゆぬ道(みつぃ)通(とぅ)りょうる
ツィンダサヨー　ツィンダーサー
とぅばらーま心(くくる)ん　一筋(ぷぃとぅみつぃ)あり給(たぼ)りイーラ
マクトゥニツィンダーサー
ンゾーシヌ　トゥバラーマヨー

染(す)みてぃ染(す)みらば　花(ぱな)ぬ紺染(くんずみ)
ツィンダサヨー　ツィンダーサー
浅染(あさずみ)や免(ゆる)し給(たぼ)れイーラ
マクトゥニツィンダーサー
ンゾーシヌ　トゥバラーマヨー

#八重山民謡 #宮良康正 　#八重山古典民謡　#とぅばらーま