08.09.2022 Замира Ысқақтың "Ән тұмарым" атты шығармашылық кеші

САНАҒА СӘУЛЕ ТҮСІРЕР СӘУЛЕЛІ КЕШ!!!

Бүгін Түркістан облысы Мәдениет басқармасы Шәмші Қалдаяқов атындағы филармониясының әншісі, Халықаралық ән байқауларының лауреаты Ысқақ Замира Лесбекқызының «Ән тұмарым» атты шығармашылық кеші филармония концерт залында өтті.

Лирикалық әндердің кәусар бұлағына сусындаған көрерменге Замира Лесбекқызының жүрек лүпілі, өзінің аңсаған сезімі, ой толғамы, жүрегінің қағысы сезілді.
Тыңдарман қауым ұйып, өнер иесінің шығармашылығына тәнті болды.
Сахнада көңілге медет болар әсем әндер жанды дауыста шырқалды.
Әуезді әндер халық пен тыңдарман қауымның көңілінен шықты.

Айтулы концертте қазақтың ән өнерін асқақтатып, ұлт мәдениетін көтеруге еңбек сіңіріп жүрген танымал әншілер мен әріптестері өз әндерін нақышына келтіре орындап, көрермендерге рухани ләззат сыйлады.

Шығармашылық кеште сөз алған Ш. Қалдаяқов атындағы облыстық филармония директорының орынбасары Утегенова Айзада Екпінқызы, Салалық мәдениет, спорт және ақпарат қызметкерлерінің кәсіптік одағы қоғамдық бірлестігінің Түркістан облыстық филиалының төрағасы, ҚР Мәдениет қайраткері Бастарбек Пірімбетов, Түркістан облысы Ордабасы аудандық білім және ғылым қызметкерлері кәсіподағы комитет төрағасының кеңесшісі Әлдібек Сәдірбек, ҚР Мәдениет қайраткері Айжан Таженова жылы лебізі мен ізгі тілектерін білдіріп, арнайы сыйлықтарын алып табыстады.

Өз кезегінде Замира Лесбекқызы кешке жиналған қауымға ризашылығын жеткізді.

Кешке жиналған көрермендер әуелеген әнмен әсем көңіл күй сыйлаған сүйікті әншілеріне алғысын білдіріп, шығармашылық табыс тіледі.

Ән кеші өте жоғары деңгейде өтті.
Санаға сәуле түсірер сәулелі кеш сәтті аяқталды.