Shkolla, kopshte dhe siguri 24 orë! Shërbimet që ofrohen brenda kompleksit “Univers City”

Pasditen e kësaj të shtunë në emisionin “Me Çelësa në Derë” në Tv Klan do të jenë në fokus apartamentet në shitje për çifte, por dhe për familje më të gjera.

I ndërtuar nga “BALFIN Group”, Univers City është qyteti më i ri brenda Tiranës me një siguri të lartë, hapësira rekreative dhe shumë shërbime.

Kompleksi është i konceptuar për të ofruar një ambient relaksi dhe ndodhet pranë autostradës Tiranë-Durrës. Brenda kësaj qyteze gjenden kopshte dhe shkolla publike, siguri në çdo orë të ditës, njësi tregtare, transport publik, hapësira ekologjike dhe ambiente sportive.

Univers City ndodhet 7.1 kilometra larg nga qendra, vetëm 1 kilometër larg nga autostrada Tiranë-Durrës dhe 1 kilometër larg nga QTU. Përveç lehtësirave të shumta që ofron, ajo që e bën më shumë interesante këtë qyteze brenda Tiranës është një park gjigand prej më shumë se 10 mijë metrash që përshkuan pallate, shkolla dhe kopshte.

Dolores punon prej 4 vitesh si konsulente imobiliare në Future Home Integrity, për “Me Çelësa në Derë” ajo tregon me hollësi të gjitha veçoritë dhe shërbimet që përmban ky kompleks gjigand.

“Parku i Univers City është ai i pari i cili hapi themelet e këtij kompleksi rezidencial. Është afërsisht 10 mijë metra dhe po ta shohësh është i ideuar që në fillim në çdo detaj, që do të thotë të jetë park lojërash, kënd për fëmijët apo dhe kënd për moshën e tretë. Janë 33 godina, të cilat të përkthyera në apartamente, janë 4 mijë apartamente dhe kjo e përkthyer në banorë janë 16 mijë banorë. Të gjitha godinat në katin e parë kanë njësi shërbimi. Janë rreth 160 njësi shërbimi të cilat aktualisht që ne flasim më shumë se gjysma e tyre, janë shitur për aktivitet të ndryshme. Shkolla dhe kopshti janë risi brenda kësaj rezidence,” sqaron konsulentja imobiliare, Dolores.

Orinda Huta: Përpos këtij parku dhe të të gjitha shërbimeve, por në katet e para do të ketë shtëpi banimi?

Dolores: Është e vërtetë sepse në të gjitha godinat në katin 0 janë të ideuar apartamente të cilat kanë verandën e tyre private, e cila të jep qetësinë dhe relaksin e një zone private.

Veç qetësisë dhe relaksit kompleksi rezidencial Univers City ofron gjithashtu linjë urbane çdo 3 minuta që e bën lehtësisht të aksesushëm për këdo.

www.tvklan.al

Një apartament në qendër apo një shtëpi në periferi të kryeqytetit? Një banesë buzë Adriatikut apo një vilë në bregdetin e jugut? Në një kohë që ndërtimi po përjeton një boom në Shqipëri, kërkesat sa vijnë e rriten. Si të bëjme zgjedhjen e duhur ndërkohë që alternativat janë të shumta dhe ofertat të larmishme? Me Çelësa në Derë është emisioni më i ri i Tv Klan, ku agjentët më të mirë imobiliarë dhe Gazeta Çelësi, do ju ndihmojnë të bëni blerjen e jetës tuaj.
Me Orinda Huta, çdo të shtunë në Tv Klan.

SUBSCRIBE to “RTV KLAN” on YouTube for more videos!

Për më shumë informacione vizitoni faqen tonë web https://tvklan.al/
Videot e fundit nga Tv Klan i gjeni në faqen https://tvklan.al/video/
Follow Tvklan on Facebook:   / tvklan  
Follow Tvklan on Instagram:   / rtvklan  
Programet e Tv Klan mund t’i ndiqni edhe në faqen https://tvklan.al/programe/