كتر أغانيك - الأخ / ماهر فايز

كتر أغانيك يامسافر ....... إحنا في ترحال
شد الأوتار للصابر ....... خليه متشال
خللي الأشواق شغالة والروح شغال
يسند فى قلوب الرحالة ويحيي الأبطال
3(كتر أغانيك)
يامسافر إحنا فى ترحال

كتر أغانيك يامهلل ........ بكلام الله
وإغني الألحان من نغم ال ........ هللويا
أضبط واترك على أصوات الروح فى المكتوب
وحد نغمك مع نغمات الشعب المحبوب
3(كتر أغانيك)
يامهلل بكلام الله

كتر أغانيك وإتكلم ...... وإخزي الشياطين
الغنا يصفعهم ويجيبهم ....... عند القدمين
ضرب الأوتار والصقفة وبوق الفرحين
هتف الأبرار والكفة عليت بأمين
3(كتر أغانيك)
وإتكلم وإخزي الشياطين

كتر أغانيك يامعلي ........ صوت الإيمان
علاك الروح إللي معلي ....... حب الفرحان
ما أحلى التجميع إللى يخلي كل الإخوان
رافعين أسماء المتجلي فى طيب العرفان
3(كتر أغانيك)
يامعلي صوت الإيمان

كتر أغانيك طولها ........ وقول عنه كتييير
ب الذكر نقصر أيامها ........ ويحلى المسير
بتهون الغربة وأتعابها لحظة ما نطير
من عتمتها ومن اَلاماتها لوجهه المنير
3(كتر أغانيك)
طولها وقول عنه كتير

كتر أغانيك قول هانت .......... جاي إبن الله
أصرخ صحي فى قلوب نامت .......... وهي منتظراه
طوباه الساهر والثابت مستني لقاه
ويومين ويعدوا وف التالت هنكون معاه
3(كتر أغانيك)
قول هانت جاي إبن الله
   / martinmmw