နောင်ချိုတိုက်ပွဲက အဆုံးအဖြတ်ပေးမယ့်ဒုတိယဗိုလ်ချုပ်ကြီးနိုင်နိုင်ဦးရဲ့ ကံကြမ္မာ | People's Spring

နောင်ချိုတိုက်ပွဲက အဆုံးအဖြတ်ပေးမယ့်ဒုတိယဗိုလ်ချုပ်ကြီးနိုင်နိုင်ဦးရဲ့ ကံကြမ္မာ

ယောနသံ/People's Spring

အာဏာသိမ်းစစ်ခေါင်းဆောင် ဗိုလ်ချုပ်မှူးကြီးမင်းအောင်လှိုင်နဲ့ ဒုခေါင်းဆောင် ဒုတိယဗိုလ်ချုပ်မှူးကြီးစိုးဝင်းတို့ဟာ သူတို့ ဆုံးရှူံးထားတဲ့ မြို့တစ်မြို့ကို ပြန်လည်ရယူရေးအတွက် ဒုတိယဗိုလ်ချုပ်ကြီးတစ်ဦးရဲ့ ကံကြမ္မာနဲ့ လောင်းကြေးထပ်ထားပါတယ်။

အဲဒီ အလောင်းအစား အစပြုခဲ့တာတော့ ၂၀၂၄ ခုနှစ် ဩဂုတ်လဆန်းက အရှေ့မြောက်တိုင်းစစ်ဌာန ချုပ်(ရမခ)နဲ့ လားရှိူးမြို့ကို MNDAA နဲ့ ပူးပေါင်းတပ်တွေက သိမ်းယူတာကနေ ဖြစ်ပေါ်လာတာပါ။

လောင်းကြေးရဲ့ အဓိကဇာတ်ကောင်ဟာအမှတ်(၂) စစ်ဆင်ရေးအထူးအဖွဲ့ (ကစထ-၂) ကစထမှူးဒုတိယဗိုလ်ချုပ်ကြီးနိုင်နိုင်ဦးနဲ့ တိမ်ပင်လယ်မြို့လို့ နာမည်ကြီးတဲ့ နောင်ချိုမြို့တို့ ဖြစ်ပါတယ်။

"နောင်ချို ပြန်ရရင်အဲ့ဒီကောင်သက်သာမယ်။ မရရင်ဘောင်ချာစုတ်ပစ်လိုက်လို့ဘိုးတော်က ပြောထားတာ"

ဒုတိယဗိုလ်ချုပ်ကြီးနိုင်နိုင်ဦးနဲ့ ပတ်သက်လို့ ဗိုလ်ချုပ်မှူးကြီးမင်းအောင်လှိုင်က ဒုတိယဗိုလ်ချုပ်မှူးကြီးစိုးဝင်းကို ကြိမ်းဝါးခဲ့ပုံကိုနေပြည်တော်ရှိစစ်ရေးသတင်းရင်းမြစ်က ပြောပြခဲ့တာပါ။

နေပြည်တော် စစ်ရုံးချုပ်ထဲမှာ ထိုဖြစ်ရပ်ရဲ့ အစဟာ မြောက်ပိုင်းမဟာမိတ်သုံးဖွဲရဲ့ ၁၀၂၇စစ်ဆင်ရေးနဲ့ တိုက်ရိုက်သက်ဆိုင်နေပါတယ်။

၂၀၂၃ အောက်တိုဘာလ ၂၇ရက်နေ့က စတင်ခဲ့တဲ့ အဲဒီစစ်ဆင်ရေးတွင်း ရှမ်းပြည်နယ်မြောက်ပိုင်းက မြို့နယ်တွေ စစ်ကောင်စီအုပ်ချုပ်မှုကနေ ဆက်တိုက်လက်လွှတ်ရပြီးတဲ့နောက် နေပြည်တော်ကဗိုလ်ချုပ်ကြီးတွေ အရူးမီးဝိုင်းခဲ့တာပါ။

၂၀၂၄ ဩဂုတ်လ ၃ရက်မှာ MNDAA နဲ့ မဟာမိတ်တွေက အရှေ့မြောက်တိုင်စစ်ဌာနချုပ်(ရမခ) ကို အပြီးတိုက်ယူပြီး လားရှိူးမြို့ကို သိမ်းယူလိုက်ခြင်းဖြင့် စစ်အုပ်စုကိုအရှက်ခွဲလိုက်ပါတယ်။ စစ်တပ်အာဏာသိမ်းစသိမ်းခဲ့တဲ့ ၁၉၆၂ နောက်ပိုင်းတလျှောက် တိုင်းစစ်ဌာနချုပ်တစ်ခုကို ပထမဆုံးအကြိမ် လက်လွှတ်ခဲ့ရခြင်းဖြစ်ပါတယ်။

ရမခတိုင်းမှူး၊ ဗိုလ်မှူးချုပ်နှစ်ဦးအပြင် စစ်ကောင်စီအရာရှိအများအပြားနဲ့အတူ စစ်သုံ့ပန်းထောင်ချီကို MNDAAက ဖမ်းဆီးလိုက်ပါတယ်။ အရှိုက်ထိသွားတဲ့ စစ်ဗိုလ်ချုပ်ကြီးတွေရဲ့မျက်နှာကို MNDAAလက်ထဲကနေ အသစ်စက်စက် စစ်သုံ့ပန်းတစ်ဦးကလည်း အိုးမည်းသုတ်လိုက်ပါသေးတယ်။

#ludunwayoo #လူထုနွေဦး #NewsUpdate

𝗣𝗲𝗼𝗽𝗹𝗲'𝘀 𝗦𝗽𝗿𝗶𝗻𝗴
𝗬𝗼𝘂𝗧𝘂𝗯𝗲 -    / @peoplespring  
𝗙𝗮𝗰𝗲𝗯𝗼𝗼𝗸 -   / ludunwayoo  
𝗪𝗲𝗯𝘀𝗶𝘁𝗲 - https://www.ludunwayoo.com/
𝗜𝗻𝘀𝘁𝗮𝗴𝗿𝗮𝗺 -   / ludunwayoo  
𝗧𝗲𝗹𝗲𝗴𝗿𝗮𝗺 - https://t.me/peoplespring