ما به مطيري طمّن الراس والله | اداء : دحام الضحيك

بسم الكريم الي تعالى نجله
الي على اعمال الخليقه يجازي

احمده وانا الحين واقف بفضله
من فضل ربي ثابتً وامتوازي

البارحه والليل هاته و خله
بيني و بين الشعر عقد اكتنازي

و لي هاجسً بالشعر مافيه خله
يشوم عن كتب الحروف الخزازي

حبل الشعر اعقده وارجع و احله
متسلطن و متفردً و امتيازي

في حفله غطت على كل حفله
الكرنفال الي على اعلى طرازي

يا مرحبا ترحيب دربه يدله
ترحيبةً ما لا عددها يوازي

يامرحبا واعداد ماهل وبله
ترحيبةً صابت لـ الارض اهتزازي

على الشحم والعود وفنجال دله
و المرحبا في صوت ماهو نشازي

عند الكريم الي مشرع محله
ديوان بيته دون باب وقزازي

عند العزيز الي عزومه تشله
اثقل من طويق و جبال الحجازي

عند الرفيق اللي فعايله جزله
عند الرفيق اللي للامداح حازي

المرجله والطيب والعز كله
تعريفها ولله زياد بن جازي

مستحوذً للطيب دقه و جله
مسجله بسمه بكرت الجوازي

والجود والوقفات موجز سجله
ماكنه الا محتجزها احتجازي

راعي هلا و ابشر و حاضر وسهله
اسمه كذا عندي بوسط الجهازي

يا كيف ما امدح فيه في كل حله
هو الرفيق اللي عليه اعتكازي

انشهد انه سيف يطربك سله
سيفً على رقاب المعادين غازي

شجاع قلبه ما دخل فيه ذله
يقدم على الصعبه بكل اعتزازي

ياكيف مايقدم و جده اي بـ لله
يصلخ وجيه القوم وقت المغازي

وابوه سعد اللي تذرا بظله
ابوه جازي فالمواقيف رازي

من لابةً و السيف كلً يسله
خصيمهم نرسل لاهله التعازي

جشوش ايه جسوش مثل الاهله
مافيهم اللي لـ الزلل انتهازي

عبادلً مثل الجبال المظله
اهل الوفاء و اهل النفوس العزازي

ذباحه شيوخ و للاخصام عله
واللي زبنهم فاز بالعز فازي

يقوله صعيري بمذهب و مله
في لابتي شاعر قوي و انحيازي

من عاند الصعران شاف المذله
رح انشد ببغداد جار الهوازي

مطران و التاريخ حنا هلً له
من وقتنا الحالي و قبل بن بازي

الطيب في عرق المطيري جبله
ماعندنا للطيب وضع احترازي

يوم العرب مابين فقر و مقله
منزالنا فوق الجبال النوازي

و ايماننا عند الكرم دوم عجله
ونفوسنا ربي خلقها عزازي

و رفيقنا دايم حجاجه يفله
وعدونا بالفعل خايب و خازي

و لـ حان عنّ الخيل كلً و فعله
خيالنا وقت اللقى ما يهازي

و اليا كبرت نزوّد الطين بله
نذبح شيوخ القوم ذبح الجوازي

مابه مطيري طمن الراس ولله
قد قالها العواي سحلي البرازي

مطير دوله بالفخر مستقله
اهل الثلاث النادرات العجازي