'O miercurì d' 'a Madonna o' Carmene - Recita Nino Taranto - a cura di Gennaro. -

🌹🌹🌹🌹🌹
'O miercurì d' 'a Madonna o' Carmene - Recita Nino Taranto - a cura di Gennaro. -
🌹🌹🌹🌹🌹

🌹🌹🌹🌹🌹
'O Miercurì d''a Madonna 'O Carmine

di Ernesto Murolo


Chiove…

Cupa è ‘a campana ‘a chiesa ‘o Carmene

‘stu miercurì d’’e muorte.

Fanghiglia e secatura tutt’’a chiesia,

gente ‘nzeppata fino a sott’’e pporte.

E so’ femmene ‘e dint’’o Lavenare,

neguziante ‘e vascio ‘a Cunciaria,

signore aristocratiche, pezziente,

ferrare ‘e Sant’Eligio, marenare,

femmene malamente

d’’o llario d’’e baracche e ‘a Ferrovia.

E pe’ ‘mmiez’a ‘sta folla ‘e facce gialle,

scimunite pe’ guaie, miserie, schiante,

‘na tanfa ‘e pezzecaglie e de sudore.

Guardano tutte quante

‘ncopp’altare maggiore,

addò, unu mass’’argiento,

mentre s’aspetta ‘a benediziona,

cu’ ll’organo ca sona,

luce, fra cere e ‘ncienzo, ‘o Sacramento.

E trase e ghiesce, ‘a dint’’a sacrestia,

comm’a ffile ‘e furmicule, ata ggente:

e chi se ferma ‘nnanze ‘a scrivania

pe’ fa di’quacche messa a ‘nu parente

e chi caccia ‘o di’ sorde c’’o libretto

p’’a firma d’’a “ semmana ‘e ll’Abbitino”….

Veco a ‘nu richiamato d’’o Distretto,

cu’ ‘a lenta all’uocchie, ‘e pile janche ‘nfaccia,

cu’ ‘a mugliera vicino,

cu ‘nu figlio p’’a mano e ‘nato ‘mbraccia.

Chi guarda, appesa ‘o muro,’na giacchetta,

‘na giacchetta ‘e surdato,

c’’o pietto spurtusato

‘a ‘na palla ‘e scuppetta.

E appiso ce sta scritto:

-Carotenuto Alfonzo,

invocando la Vergine, fu sarvo -.

Quacche femmina chiagne…’n’ata…E ‘n’ata:

s’è già furmata ‘na prucessiona

‘nnanz’’a Cappella addò sta cunzacrata

‘a Madonna ‘nperzona…

Arde ‘a Cappella p’’o calore e ‘e ccere.

Veco ‘sti mmure, attorno, cummigliate

‘e ritratte ‘e surdate:

guardie ‘e finanza, muzze, bersagliere…

e ognuno ‘e lloro tene ‘a sora o ‘a mamma

ch’’a vascio ‘o guarda fisso

e chiagne… e ‘o chiamma…

e dà ‘n’uocchio ‘a Madonna e ‘n’ato a isso.

Quanta preghiere! Che scungiure! E quanta

Vute, prumesse, lacreme! -: Che buò?

( sta dicenno ‘na femmena gravanta

‘nfaccia ‘a Madonna) ‘a vita mia ? t’’a do…

Ma nun me fa murì pure a chist’ato

Comm’a chill’ati dduie.

Tu t’’o tiene astrignuto ‘o Figlio tuie !

‘E mieie me l’he luvate ‘a sott’’o sciato !-.

: Ogne casa ‘nu guaio ! dice ‘na vecchia.

E chell’ata cchiù forte -: Che buò cchiù ?

Pe’ vvute e ccere, ‘o bbì : vicino ‘a recchia

Manco ‘e ricchine, ‘o bbì : me sto luvanno

‘e scanne ‘a sotto ‘o lietto…Che buò cchiù ?-.



( chiagneno tutte quante…’A puverella,

cu’ ‘a voce cchiù abbrunata,

scaveza, arrampecata

p’’e ggrade addò sta ‘o quadro, arditamente,

mo amminaccia ‘a Madonna a tu per tu ).

-: Guardame a mme, cu’ ttico sto parlanno..-.

( ‘e spalle d’’a Cappella

‘a folla ‘e dint’’a chiesia vede…sente…

se move…sta spianno…)

-: Cu’ ttico ll’aggio. Quanno fuie p’’a morte

‘e Giesù Cristo ‘n croce, tu he chiagnuto

‘na vita sana sana

e d’’e llacreme meie nun te ne ‘mporta ?

Nun te ne ‘mporta ? ‘Un te ne ‘mporta ?..-.

(E cù ‘e capille sciuovete, comme a pazza , ha stesa ‘a mano

E ha tuzzuliato ‘nfaccia ‘a lastra santa..)

Ma tutto ‘nzieme ha dato tali strille

C’ha revutata ‘a chiesia tutta quanta :

-: Chiagne – alluccava – chiagne! Ll’uocchie ‘nfuse,

‘a lastra è ‘nfosa…-.

-: E’ overo!….E’ overo!…E’ overo!…

‘Nnanz’a ‘sta mana aperta e cunzacrata,

ca nisciuno ha tuccata, ddoie, tre vvoce confuse

e po’ ciento….e po’ tutte :

-: E’ overo!…E’ overo! Chiagne ‘a Madonna…Chiagne !
🌹🌹🌹🌹🌹
💙💙💙💙

Cara amica e caro amico, se ti è piaciuto questo video e sei un appassionata/o della poesia e della canzone classica napoletana, iscriviti al mio canale, per vederne degli altri e pigia la campanella per ricevere le notifiche dei nuovi video.
Ne troverà tanti altri ancora più belli .
L'antologia della poesia napoletana.
Grazie !
Gennaro Sansone

💙💙💙💙

   / @gennarosansone-poesiecanzo9189  

🌹🌹🌹🌹🌹

#poesia, - #poesianapoletana, - #poesía, - #gennarosansone, - #poesie, - #antologia, - #napoletano, - #poetry, - #napoli, - #poetinapoletani, - #poesias, - #antologianapoletana, - #antologiapoesie, - #poesienapoletane, - #linguanapoletana, - #dialettonapoletano, - #napoletanità, - #poesierecitate, - #poesienapoletanerecitate, -#videopoesienapoletane, - #videopoesiedigennarosansone, - #poeti, - #antologiapoesienapoletane, - #linguanapoletana, - #dialettonapoletano, - #videopoesie, - #videopoesierecitate, , - #napoli, - #poesianapoletana - #ernestomurolo, - #ninotaranto, -

💙💙💙💙

Pagina facebook del poeta Gennaro Sansone

https://www.facebook.com/profile.php?...

🌹🌹🌹🌹🌹

💙💙💙💙

Pagina facebook del poeta Ernesto Murolo

  / ernesto-murolo-i-grandi-poeti-wip-30280076...  

🌹🌹🌹🌹🌹