Plethyn - Seidr Ddoe

Mae aelodau Plethyn, sef John (Jac) Gittins a’r brawd a chwaer Roy a Linda Griffiths yn hanu o ardal yr Eisteddfod ym Maldwyn, gyda Jac a Roy yn byw o fewn ychydig filltiroedd i Faes yr Eisteddfod a Linda bellach wedi ymgartrefu yn ardal Trefeurig yng Ngheredigion. Mae traddodiad canu gwerin yr ardal yn fyw iawn o hyd, ac mae’r dylanwad i’w glywed yn glir yn lleisiau ac arddull y triawd. Yn eu hanterth rhwng 1979 a 1999, fe lwyddodd Plethyn i ddwyn y traddodiad o ganu harmoni yn null y Plygain i ganol prif ffrwd y canu gwerin cyfoes Cymraeg. Am flynyddoedd, nhw oedd yn bennaf gyfrifol am boblogeiddio dwsinau o'n caneuon traddodiadol, yn ogystal a chyflwyno nifer fawr o ganeuon newydd.
Dros y blynyddoedd mae Plethyn wedi cyhoeddi wyth casgliad a CD 'Goreuon Plethyn' yn Eisteddfod Maldwyn yn 2003. Rhoddodd y grŵp y gorau i deithio a pherfformio’n rheolaidd yn 1999 ond maent yn parhau i fwynhau dod at ei gilydd i ganu ar achlysuron arbennig. Mae’r cyfle i gymryd rhan mewn Noson Lawen yn Eisteddfod Genedlaethol Maldwyn a’r Gororau yn amlwg yn un o’r achlysuron hynny!

Ymuna Sorela â Plethyn i berfformio’r glasur ‘Seidr Ddoe’

Sorela join Plethyn to perform the song ‘Seidr Ddoe’