"حلوة البدايات" مع أحمد عصام السيد
Автор: Elfasla
Загружено: 2025-08-13
Просмотров: 1398
مخرج وكاتب وممثل وستاند أب كوميديان، وبيحاول يثبت نفسه في كل حاجة من دول. أحمد عصام السيد اللي الجمهور عرفه بشكل كبير كجزء من فريق "إيليت" للستاند أب كوميدي، اتعرف عليه كممثل في أعمال زي "آل شنب"، "عايشة الدور"، وأخيرًا "كتالوج.
في حوارنا معاه، قررنا نتعرف أكتر على حلاوة البدايات في حياة أحمد عصام وفي كل مجال من المجالات اللي دخلها: امتى ارتبط بالمسرح والسينما لأول مرة؟ أول مرة ليه كستاند أب كوميدي، وأول مرة ممثل في فيلم طويل، أول مرة حب وأول مرة ثيرابي، وفي كل مرة كان ازاي بيتعامل مع البدايات؟ وهل "حلوة البدايات فعلًا؟ ولا لما بتكتسب خبرة بيكون الحاجة طعمها أحلى بكتير؟
نشأته، كابن في أسرة فنية، الوالد فيها مخرج مسرحي معروف، والأم ممثلة صاحبة بصمة وأدوار مميزة، خليته من البداية يكون موجود في المسارح والستديوهات، وخليته كمان يحب كتابة وإخراج الأفلام ومن هو في المدرسة.
أما في المراحل اللي بعد كده، لقى أحمد في نفسه قدرة مميزة على إنه يحكي حكاية قدام جمهور بطريقة كوميدية، ويمكن كمان استخدم الموهبة دي كحيلة دفاعية أو كطريقة لكسر التلج في اللقاءات الأولى، ولما جاتله الفرصة، قدر يستغل ده وينضم لعروض ستاند أب كوميدي.
لكن مكانتش دي الموهبة الوحيدة لخريج معهد السينما، اللي طريقه كمخرج كان واضح بالنسباله، لكن بعض الصعوبات اللي شافها في الشغلانة دي خليته يقرر يأجل الحلم ده.
كلام كتير ممكن نقوله عن أحمد عصام، بس ممكن نشوف الفيديو ونسمعه بيحكي كل ده بنفسه!
Доступные форматы для скачивания:
Скачать видео mp4
-
Информация по загрузке:
