اشقر الريش - خالد ال بريك & سلطان بن بشير - اتعب ورا احلامك تراها نغاميش 2025
Автор: شيلات الروقي
Загружено: 2025-01-01
Просмотров: 298492
ضع لايك للفيديو + إشترك معنا
subscribe + Like
فعل الجرس 🛎
ليصلك كل جديد✔️
..
" لمتابعة شيلات الروقي عبر السناب "
/ u511a
شبحك على مد النظر يا اشقر الريش
عانق مطاليع النجوم البعيده
القاع للي ينتظر لقمة العيش
مالك وماله وانت رزقك تصيده
منكبك يستحمل طوال المطاريش
ترهي عليه وتاصل الي تريده
ما انته بطيرٍ حظوته بالمناقيش
جداه ينقب تمرةٍ في جريده
اتعب ورى احلامك تراها نغاميش
لولا الطرد ما ذقت طعم الطريده
ما في يدين الناس غير العراميش
من شاف رزقه عند غيره يكيده
اهل المغازي تتعب الخيل والجيش
ما استسلموا رغم الضروف الشديده
يثنون عند الي وبرها عكاريش
اغلا الغنايم فالسنين الزهيده
واهل السوالف والضعوف الدروايش
تلحفوا وامسوا عظامٍ هميده
ضريبة القمه من العزم والطيش
يدفع ثمنها شوشليٍ وليده
ما ارخى سموعه للحكا والوشاويش
اليا عزم مس الحبال الجويده
شرواك يا مفني كبار المحاويش
معطي مفاتيح الجيوب الجديده
مانيب مداحٍ يدور معاويش
تردعني الشيمه ونفسي عنيده
مير الرفيق ليا دعى الامر حتيش
ناقف معه وقفة عضيد لـ عضيده
واليوم في حفل الزحول المداهيش
دعوتك يا طارق ثمنها قصيده
في حفل بن شيهان ريف الهتاتيش
الله يبارك فيه والله يزيده
عبدالعزيز ولا لطاريه تهميش
مقرنسه عودٍ عزومه فريده
ذخر العضيلات الفهود المداغيش
حماية التالي نهار الوعيده
قومٍ ليا جاء للمنايا شوابيش
وردوا عليها بالعزوم السديده
كم واديٍ قفر من الخوف ما نيش
يرعون حده بالرهاف الحديده
فدوا جيوش الترك حمر الطرابيش
ما عاد خلوا للمفاخر شريده
Доступные форматы для скачивания:
Скачать видео mp4
-
Информация по загрузке:
