譚輝智接拍廣告挑戰多個造型 自認旅遊達人把握機會親子遊

譚輝智接拍廣告挑戰多個造型 自認旅遊達人把握機會親子遊

譚輝智自從參加《中年好聲音2》後，旋即成為廣告客戶嘅寵兒。今次佢就接拍旅行社廣告，仲會化身多個造型，務求令大家有驚喜，而其中一個主要造型就係西裝骨骨嘅裝束，不過唔好見佢係斯斯文文，輝智喺廣告中一樣會唱歌演出同大跳招牌舞步。

廣告中亦有領隊導遊嘅造型，輝智話自己參賽後，口才無乜改進，只係比以前大膽咗，至於會否真係做客串領隊帶團，佢就話視乎客戶安排。輝智話自己都算係旅遊達人，因為小朋友鍾意去旅行，而家工作忙，加上要遷就小朋友返學時間，所以只要夾到時間，就會把握機會親子遊。

現時投身幕前，輝智都話好多時要忍口唔敢食太多，因為要做好身型管理同保持聲線，而太太都係一位好伴侶，會同佢一齊進行良好飲食生活習慣。

#譚輝智 #中年好聲音2 #廣告寵兒 #造型 #驚喜 #招牌舞蹈 #旅遊達人 #親子遊 #幕前 #身型管理 #廣告 #導遊 #TVB #娛樂新聞 #TVB娛樂新聞台 #ENews #HKENews #香港娛樂八卦新聞 #八卦新聞

即刻Follow TVB 娛樂新聞台 Facebook專頁
  / tvbenews  

登入myTV SUPER享受睇TVB自製節目7日包括娛樂新聞的免費點播
https://bit.ly/2TXLlM0