‎ئەڤرۆ خەلکێ کۆمەلگەها مەهەتێ هاوارا خو گەهاندن بەر مەحمەرەشان بارانەکا رەحمێ ببارێت…2025.01.08

ئەڤرۆ خەلکێ کۆمەلگەها مەهەتێ هاوارا خو گەهاندن بەر مەحمەرەشان بارانەکا رەحمێ ببارێت…
پشتی گیرۆبونا بارانێ ل ئەڤ سال و باران دواکەفتی و عەردێ خودێ محتاجی بارانێ بی و خەلک تەنگاڤ بیە ژ بەر نەبوونا بارانێ و ڤێ حەشکە سالیێ، خەلکێ کۆمەلگەهێ پێکڤە ب ژن و زەلام و کەسایەتین ئاینی هاوارا خو گەهاندن بەر مەحمەرەشان و خێرەک ئەشقی ناڤێ خودێ کرن و هەمیا پێکڤە دەستێن خو بلندکرن ژ بو خودێ تەعالا رەحمەک بهێت بەلکی ئەڤ دەشت و چیا جارەکا دی ب خەملن و دەخل و دانێ خەلکێ چاندی گەشە بکەت و خێر و بەرکەت ب کەڤت وەلاتێ مە- هەر وەکی هون دزانن مەحمەرەشان خودانێ بارانێ یە، هەر سالەکا بیتە حەشکە سالی و دەخل و دان پیتڤی ب بارانێ بت ب نییەتەکا سافی خەلکێ باسکێ شێخ ژ بەر کو خوکێن مەحمەرەشانن پیکڤە قەستا بەر مەحمەرەشان د کەن و هاوارا خو د گەهینن مەحمەرەشان بەلکی رەحمەکا خێرێ بارانەکا خێرێ ژ نک خودێ تەعالا ب بارێت بو ڤێ داخازیێ ژی رێ و رەسمێن تایبەت هەنە ئەوژی ئەو خەلکێ چویی داخازا رەحمەکێ ژ خودێ بکەن و بارانەک ببارێت مجێورێ بەرمەحمەرەشان دناڤ بڕکا ئاڤێ د کەن و ستلەکێ ئاڤێ ژ ڤێ بڕکا ئاڤێ دئینتە دەر ، هەر کەسەکی حازر دڤێت دەست و چاڤێن خو ب وێ ئاڤێ بشوت و خو تەرکەن دگەل هندێ ژن د هلهلینن و کەسانێن ئاینی دوعایا دکەن و هەمی پێکڤە هیڤی و مرازا خو ژ خودێ و مەحمەرەشان د خازن بەلکی رەحمەک بهێت بو خاترا حنس و جنس و تەیر و تەوالی و حیوانەتی و هەرکەسی یێ پیتڤی ب ڤێ رەحمێ ، بو ڤێ داخازیێ گوندی ژی خێرەکا بەرفرە ئەشقی ناڤێ خودێ د کەن گەلەک جارا هێشتە نەگەهتین مال ژ سڕ و کەرامەتا خودێ تەعالا باران باریە ب ئەزنەها خودێ و مەحمەرەشان چو جارا ل ڤێ دەڤەرێ نابت حشکە سالی و داسکا جوتیاری ناهیتە شکەستن دێ هەر خێر و بێر هەبیت ،انشاللە ئەڤ سالا ژی سالا خێرێ بیت و لاڤا و هیڤیێن خەلکێ مە قەبول بن و خودێ تەعالا رەحمەکێ ب بارینت و دلێ هەر کەسی خوش کەت، ئەڤە ژی چەند چەند سەبەقە ژ بەیتا مەحمەرەشان :-
ب دەستووری خودێ
ئەو بابێ پیر ئەیوبی
ھەی شێرۆ یی ژ مەقلوبی
حوكمێ تە وێ ل تخوبی
***
مەقلوبی عێلییە
وێ ل بن دا بەحرەكە سپییە
رەشە شیخادییە
***
پیرەكی نوورینە
راست دارێ سلتینە
مەھمەد رەشان كرە پیرێ مەلك سجادینە
***