@ Pradip Ch Rabha

চানডুবি উৎসৱ ২০২৬ । এই উৎসৱ আহি আহি ১৬ বছৰত ভৰি দিলে । উৎসৱটি ১ জানুৱাৰীৰ পৰা ৫ জানুৱাৰী,২০২৬ লৈ অনুষ্ঠিত হয়। এইবেলি উৎসৱটি শুভ উদ্ধোধন কৰে ৰাভা হাছং স্বায়ত্ব শাসিত পৰিষদৰ মুখ্য কাৰ্য্যবাহী সদস্য শ্ৰীযুত টংকেশ্বৰ ৰাভাদেৱে। উৎসৱটোৰ লগত সংগতি ৰাখি ৰাভা জনগোষ্ঠীৰ লোক নৃত্য-গীত প্ৰদৰ্শিত হৈছে , ৰাভা জাতীয় সাজ-পাৰ বিক্ৰীৰ বাবে বিপনীৰ ব্যৱস্থা হৈছে। আনহাতে বিভিন্ন জাতি জনগোষ্ঠীৰ নৃত্য- গীত প্ৰদৰ্শন হৈছে , সাজ-পাৰসমুহ সৰহ সংখ্যক পোৱাৰ ব্যৱস্থা হৈছে। থলুৱা খাদ্য সম্ভাৰ যথেষ্ট পোৱা যায়। থলুৱা শাক-পাছলি , ফল-মূল যেনে- কচু, তিল, হালধি, ঔটেঙা, কমলা, কৰদৈ টেঙা, বগৰী, তেতেলি, থেকেৰা টেঙা, মাকৈ, লাই শাক, মূলা, পানী লাউ, ৰঙা লাউ , কোমোৰা আদি বহুতো পোৱা যায়। থলুৱা খাদ্য যেনে - পোৰা গাহৰী মাংস, মাছ, কেকোৰা, শামুক, জোঙা মদ, আপং, ফতিকা মদ , মুৰ্গী মাংস, হাঁহ মাংস , মাছ পিটিকা , ক্ষাৰৰ আঞ্জা , টেঙাৰ আঞ্জা আদি বহুতো পোৱা যায়। উদ্যোগতা সমিতিৰ এক সুন্দৰ পদক্ষেপৰ বাবে তাত সমন্বয়ে বিৰাজ কৰিছে । শান্তিৰ পৰিবেশ সৃষ্টি হৈছে , কন কন লৰা- ছোৱালীসকলে বৰ আনন্দ মনেৰে খেলিছে , পৰ্য্যটকসকলে মনোৰম প্ৰাকৃতিক পৰিবেশ উপভোগ কৰিছে, কিছুমানে নৌকা বিহাৰ কৰি আনন্দ লৈছে, মুঠৰ ওপৰত উদুলি-মুদুলি এক বিনন্দীয়া পৰিবেশ । উৎসৱটোৰ জৰিয়তে বিশেষকৈ প্ৰাকৃতিক পৰিবেশ, জৈৱ-বৈচিত্ৰতা ৰক্ষা হৈছে , আচলতে চানডুবি বিল আৰু কাষত থকা পাহাৰবোৰ জীৱন্ত পৰীক্ষাগাৰৰ দৰে হয়। গতিকে ইয়াক সংৰক্ষনৰ ক্ষেত্ৰক আমি সকলোৱে গুৰুত্ব দিব লাগে। বিশেষকৈ চৰকাৰে। ধন্যবাদ