Top News - Athinë, rrugët kthehen në lumenj / Stuhia Bayron ‘gjunjëzon’ Greqinë, shi i rrëmbyeshëm

Rrugët në lagjen Kallithea në Athinë janë zhytur nën ujë ndërsa reshje të dendura shiu u derdhën mbi kryeqytetin grek.
Stuhia “Byron” që është përplasur mbi vendin fqinj prej disa ditësh, e ka humbuir ngadalë forcën, por pasojat ende ndihen në të gjithë Greqinë, me alarme për përmbytje dhe mbrojtje civile që vazhdojnë të jenë në fuqi në pjesë të Thesalisë dhe Egjeut lindor.
Shirat dhe stuhitë më intensive u përqendruan të shtunën kryesisht në pjesë të Maqedonisë Qendrore dhe në Dodekanezë, ndërsa pjesa tjetër e vendit u përball me fenomene më të moderuara të motit në krahasim me dy ditët e shkuara.
Në zonën e Larisës në Greqinë qendrore, shqetësimi kryesor të shtunën ishte lumi Enipeas, i cili doli nga shtrati dhe shkaktoi alarm gjatë natës.
Pas ditësh me shira të rrëmbyeshëm, sistemi i lumit Pinios u vu gjithashtu nën presion. Pinios është lumi më i madh i Thesalisë dhe një nga lumenjtë më të rëndësishëm në Greqi. Në Trikalla, lumi doli nga shtrati por fatmirësisht nuk paraqiti kërcënim të menjëhershëm për banorët përreth.
Rajonet në Greqi që u goditën rëndë nga stuhia Byron, duke përfshirë Atikën dhe pjesë të Greqisë qendrore dhe jugore, tani po merren me pasojat.
Ujërat e përmbytjeve, pemët e rrëzuara, infrastruktura e dëmtuar dhe mbylljet e rrugëve lokale, në një tokë që është tashmë e tejngopur, paraqesin rrezik në rast të reshjeve të reja.

Pamje:AFP

Top News është televizion informativ, i hapur në shkurt të vitit 2007. I konceptuar si format news, prioritet i saj është informimi i publikut përmes lajmit të fundit. Lidhje live për politikën, aktualitetin, kronikën, ekonominë, rajonin, botën, sportin, teknologjinë dhe show biz-in. “ Informohu i pari” , slogani për 24 orë lajme . Sjellim ndryshe realitetin mediatik në Shqipëri, ofrojmë një burim informacioni të saktë, të shpejtë, të besueshëm dhe të thelluar.

Për më shumë vizitoni: http://top-channel.tv/

Subscribe to "Top Channel" on YouTube Channel for NEWS and TV
Shows HERE: http://bit.ly/2Y15KwK
For more content from click HERE: www.top-channel.tv
Like Top Channel on Facebook HERE: http://bit.ly/2FglWTs
Follow Top Channel on Instagram HERE: http://bit.ly/2uaYG2U
Follow Top Channel on Twitter HERE: http://bit.ly/2TJndeH
#TopNews#Permbytje#Athine