«Жас келіншекті көміп, үстінен атпен таптаған»: Жетісайда бір ауылды үрейде ұстап отырған кімдер

Түркістан облысында 38 жастағы жігіт көрші келіншекті азаптап өлтіріп, мәйітін ауласына көміп, онымен қоймай моланы атпен таптап тастаған.

39 жастағы келіншекті тонап, артынша қорлап өлтірген күдікті түн ортасында мәйітті өзінің ауласына көмген. Қабірдің үстіне шөп шашып, жылқы байлап тастаған қаскөйдің сұмдық әрекеті тек 12 күннен кейін ғана белгілі болды. Қылмыстың ашылуына тыржалаңаш көмілген әйелдің бір қолының жер бетіне шығып қалуы себеп болған. Осымен үшінші адамды айуандықпен өлтірген кәнігі қылмыскердің әккі әрекетін Todayinfo ақпараттық агенттігінің тілшісі арнайы барып, анықтап көруге тырысты.

Туған үйдің түтінімен қоштасу

Көктем ерте шығатын оңтүстікте қар ерісімен шаруалар жер жыртып, егінмен айналысуға дайындала бастайды. Жетісайлық жұрт та жылдағы әдеті бойынша қарбалас жұмыстың алдында көкпар беріп, Алғабас ауылының шетіне ат ойнатады. Қиқулай шапқан жігіттердің көкпар тартысы да ауыл халқын дүр сілкіндіреді. Иісі далаға жайылған жұмсақ кәуап та, ыстық самса, тандыр нан, түрлі сусын да көкпарға келген жұрттың алдына жайылады. Әрине сатылады, тегін емес. Ас-су дайындайтын адамдардың табысы да бұл күні тәуір болады. Сауда жасаудың сан түрін меңгерген Әйгерім Әжекеева да әдеттегідей көкпарға дайындалып, анасына сатуға қоятын тауарды әкелетінін айтып, қаражатын қалтаға салып, ауданға шығып кетеді.

Бірақ ол күнде кешкілік дастархан басында анасына еркелеп, әкесіне жұмысын айта әңгімелесіп отыратын әдемі сәттердің енді қайталанбайтынын, үйінің табалдырығынан соңғы рет сыртқа аттап бара жатқанын білмеген еді.

Көрікті де, табысты келіншекті такси тоқтайтын ауыл дүкенінің алдында қара машинамен үш жігіт күтіп тұрған. Әйгерімнің анасының айтуынша, соның бірі ауылға зұлымдығымен аты шыққан Ералхан еді.


толық ақпарат сайтта: https://todayinfo.kz/zhetisajda-zhas-...